Жаңалықтар

Жақында университетіміздің Клиникалық-диагностикалық орталығында Гипоспадия диагнозы қойылған науқас балаларға ота жасалды. 

Айтулы оталарды орталық дәрігерлерімен бірге жасау мақсатында Түркия Республикасы Стамбул университетінің профессоры, балалар урологы Юнус Сөйлет арнайы шақыртылды.

Айта кетейік, Юнус Сөйлет – оқу ордамызда ректор кеңесшісі қызметін атқарған білікті маман. Университет қабырғасында қызмет еткен жылдары балалар урологиясының танымал маманы ретінде Клиника-диагностикалық орталығында – «Гипоспадияны емдеудің заманауи тәсілдері» атты халықаралық мастер-класс өткізген. 

Клиника ұжымы уақыт тауып, дәрігерлерге көмек қолын созған Юнус Сөйлет пен анестезиолог дәрігер Бақтыбай Кузжановқа алғыстарын білдірді.