Бегімбекова Ләзат Мықтыбековна
м.ғ.к., доцент кафедра меңгерушісі

Акушерлік-гинекология

«Акушерлік және гинекология» кафедрасы 2009 жылы Қ.А.Ясауи атындағы ХҚТУ-нің оқу-клиникалық базасында ұйымдастырылды. 2011-2012 оқу жылдарынан бастап, кафедра меңгерушісі қызметін  м.ғ.к., доцент Бегімбекова Л.М. атқарады. Акушерлік-гинекология кафедрасы келесі медицина  бағдарламалары бойынша білім береді: 5В130100 –бакалавриат, АG6(7)351 Акушерлік және гинекология мамандығы бойынша  интернатура, 6R114400- «Акушерлік және гинекология, соның ішінде балалар  гинекологиясы» мамандығы бойынша  резидентура.

Қазіргі таңда кафедрада 2 ЖАК доценті, 8 медицина ғылымдарының кандидаты, 1 PhD докторанты, 5 магистр-оқытушы және жоғары санатты мамандар қызмет атқарады.

Кафедраның саясаты: болашақ дәрігерлердің білімін шыңдау, тәжірибелік дағдылар бойынша шеберлігін жетілдіру мен қатар, акушерия және гинекология саласындағы арнайы және инструментальді зерттеулер жүргізуге үйрету.

Акушерлік-гинекология кафедрасы ОҚО медициналық қызмет сапасын бақылау мекемесі және ОҚО денсаулық сақтау департаментімен бірге «Ана және нәресте» өлімі бойынша комиссия мүшесі және клиникалық эксперт ретінде сараптау жұмыстарын жүргізеді. Кафедра оқытушылары студенттерге, интерндерге, резиденттерге үнемі дәрігерлік этика, деонтология негіздерін насихаттайды.

Кафедра оқытушылары акушерия және гинекология саласы бойынша 2017-2018 жылдары 400 науқасқа курация жасаған, 500 науқасқа  кеңес берді, 2018-2019 жылдары  650 науқасқа курация жасаған, 1300 науқасқа кеңес берді. Клиникалық оқыту базалары ретінде ОҚО белді емдеу мекемелерімен келісім-шарттар жасалған: облыстық перинаталдық орталықтар № 1,2,3,4, қалалық перзентхана №2, ШҚКА, МКҚК «Сайрам аудандық орталық ауруханасы» бірқатар қалалық емханалар және аудандық ауруханалар.

Кафедраның ғылыми бағыты: «ОҚО-ның экология жағынан қолайсыз жағдайында жүктілік, босану және босанғаннан кейінгі кезең ағымының  ерекшеліктері». Соңғы 2018-2019 оқу жылында кафедрада ҚР БжҒм Білім және ғылым саласын бақылау комитеті ұсынатын тізімі бойынша қазақстандық басылымдарда және Ресей, Украина, Беларусь басылымдарында-22, отандық басқа басылымдарда -10 мақала, алыс шет елдердегі басылымдарда-2, жақын шет елдердегі басылымдарда -5, ХҚТУ «Хабаршысы» журналында жариялаған мақалалары –10, оқу-әдістемелік  құралдар саны -10.

ХҚТУ оқу процесіне «Пестицидтер әсер ететін аймақта тұратын жасөспірім қыздарды тексеру алгоритмі» 1 және 2-ші ендіру актісі Шардара аудандық ауруханасына ендірілді.

Кафедра ОПҚ-ы соңғы  2 жыл ішінде индикативті рейтинг жүйесі бойынша алғашқы  50 оқытушы қатарына енген. Білікті педагогтардың жетекшілігімен студенттердің ғылыми-теориялық конференцияларында жасалған ғылыми жұмыстар жүлделі орындарға ие болып келеді. Кафедрада оқу барысында студенттердің, дәрігер-интерндердің және резиденттердің  қатысуымен клиникалық-тәжірибелік конференциялар, дөңгелек үстел, оқытушылар мен бірге ғылыми семинарлар, студенттік ғылыми семинарлар,  дебаттар  жиі өткізіліп тұрады.

Тәрбие жұмысы мақсатында кафедрада ай сайын тәлiмгерлер мәжiлiстері өтеді. Дәрігер интерндердің сабақ үлгерiмi мен тәртiбi кафедра тарапынан үнемi қадағалануда. Тәлімгерлер топта қабілетті дәрігер интерндерді анықтап, факультеттiң ғылыми, қоғамдық, мәдени-көпшілік жұмыстарға қатысуын қамтамасыз етіп, жатақханадағы кезекшілік кезінде  студенттермен тәрбиелік шаралар өткізіп отырады.

Білім алушыларды адамгершілік, отансүйгіштік және дене тәрбиесі тұрғысынан тәрбиелейтін кешенді іс-шаралар іске асырылады. Оңтүстік Қазақстан облыстық cаяси қуғын-сүргін құрбандарының мұражайына және Оңтүстік Қазақстан облыстық тарихи өлкетану мұражайына бару дәстүрге айналған. Әлеуметтік және саяси маңызды тақырыптарға ашық тәлімгерлік сабақтар өткізіліп тұрады. Дәрігер интерндердің, ғылыми-тәжірибелік үйірмелерге  қатысуы ұйымдастырылып, қадағаланып отырады.