Ортаев Бақтияр Тұрсынбайұлы
п.ғ.д., доцент

Білім технологиялары кафедрасы

«Білім технологиялары» кафедрасы қазіргі таңда 6В012/7M012 – Мектепке дейінгі тәрбиелеу және оқыту педагогикасы (5В010100/6М010100 — Мектепке дейінгі оқыту және тәрбиелеу) және 6В013/7M013 – Пәндік мамандандырылмаған мұғалімдерді даярлау (5В010200/6М010200-Бастауышта оқыту педагогикасы мен әдістемесі) бағыты бойынша болашақ мамандарды даярлаудыжүзеге асырады.

Кафедрада 1 ғылым докторы, 6 ғылым кандидаты, 4 PhD докторы және тәжірибелі оқытушылар мен магистрлер қызмет атқарады.

Кафедра мақсаты: еңбек нарығында бәсекеге қабілетті және сұранысқа ие білікті маман даярлау; білім беру бағдарламалары бойынша бакалаврлар мен магистранттарды кәсіби даярлау аясында білім беру қызметін жүзеге асыру; студенттерге қажетті кәсіби сапалар мен дағдыларды қалыптастыру; білім беру қызметінің сапасын көтеру; маман даярлауда практикалық бағыттылықты нығайту.

Кафедра міндеттері:

— даярлық бағыты бойынша білім беру бағдарламаларын әзірлеу;

— оқу үдерісін практикалық тәжірибесі мол, біліктілігі жоғары оқытушылармен қамтамасыз ету;

— оқыту сапасын үздіксіз жетілдіруді интербелсенді оқыту тұрғысынан қамтамасыз ету;

— оқу үдерісін заманауи оқу-әдістемелік құралдармен қамтамасыз ету;

— студенттердің кәсіби тәжірибесін өткізудіжетілдіру;

— бакалавр мен магистранттарға арналған білім беру траекториялары бойынша жұмысты жалғастыру.

Білім алушыларды даярлау білім беру бағдарламалары негізінде жүзеге асырылады. Бәсекеге қабілетті маман даярлау үшін университетте барлық жағдаяттар жасалған. 6М010100-Мектепке дейінгі оқыту және тәрбиелеу және 6М010200-Бастауышта оқыту педагогикасы мен әдістемесі мамандықтары «Рейтинг 2016» Аккредиттеу және рейтингтің тәуелсіз агенттігінің рейтингісіне қатысушы жоғары оқу орындарының арасыннан 3-ші орынды иеленді.

Студенттер, магистранттар және оқытушылар үшін академиялық ұтқырлық бағдарламасы бойынша Түркия Республикасы, Гази университетінің профессорлары Тайип Думан, Сабри Челик, Мехмет Ариф Өзербаш, Южел Геличли, Хайати Акиол, Мугла университетінің доценті, доктор Сабри Сидекли, Ресей Федерациясы, Ростовтағы Мемлекеттік техникалық университетінің профессоры, педагогика ғылымдарының докторы Ефремова Надежда Федоровна семинарлар мен пікір алмасу дәрістерін, өткізді.

Түркия Республикасының Кония Неджметин Ербакан университетінен PhD, доцент міндетін атқарушы Гүлхыз Пильтен 2017-2018 оқу жылынан бастап фаундейшн топтарындағы студенттерге түрік тілінде дәрістер жүргізуде. 5В010100-Мектепке дейінгі оқыту және тәрбиелеу мамандығы бойынша 2 курс студенті Жамалбек Перизат Мевлана бағдарламасы бойынша Түркия Республикасының Мерсин университетінде бір академиялық кезеңдер бойынша білім алды.

Студенттер 5В010100-Мектепке дейінгі оқыту және тәрбиелеу (2017-2018 оқу жылында 3 орын, Алматы қ.) және 5В010200 — Бастауышта оқыту педагогикасы мен әдістемесі (2018-2019 оқу жылында 1 орын, Шымкент қ.) мамандықтары бойынша Республикалық студенттік пәндік олимпиадаларда үнемі жүлделі орындарды иеленіп келеді.

Дуалдық білім беру жүйесін ұйымдастыруда «Алия», «Балдырған» балабақшаларымен және №23 ІТ мектеп-лицей КММ келісім-шарт түзіліп, жұмыстар атқарылуда.

Кафедараның ғылыми әлеуетінің пайыздық көрсеткіші – 68,8%.

«Білім технологиялары» кафедрасының профессор-оқытушы құрамы «Жаңа әлеуметтік-экономикалық даму жағдайында білім беру жүйесін жетілдіру» бағытында ғылыми-зерттеу жұмыстарын жүргізуде.

Кафедра ұжымы 2019 оқу жылында«Білім беру жүйесін жетілдіру бағдарламалары: оқу-тәрбие үдерісін нәтижелі ұйымдастыру мен құзыретті маман даярлау мәселелері» Халықаралық ғылыми-практикалық конференциясын ұйымдастырды.

Білім технологиялары кафедрасының профессоры, педагогика ғылымдарының докторы Б.Т.Ортаев «ЖОО Үздік оқытушысы 2015» грантын иеленді.

2018-2019 оқу жылында PhD доктор, доцент м.а. А.Құралбаева Түркия Республикасы Гази университетінде ғылыми тағылымдамадан өтіп, біліктілігін жетілдірді.

Магистранттар мен студенттердің ғылыми-теориялық конференциясы жыл сайын өткізіліп отырады. Конференция нәтижесі бойынша үздік танылған жұмыстар Республикалық жоғары оқу орындары студенттерінің ғылыми-зерттеу жұмыстары байқауында жүлделі орындарды иеленді.

Кафедраға қарасты «Шебер қолдар» және «Жігер» атты студенттер клубтары жұмыс жасайды.

Қоғамдық тәрбие, адамгершілік-рухани тәрбие, экологиялық тәрбие, ұлттық-рухани және патриоттық тәрбие, құқықтық тәрбие, эстетикалық тәрбие, салауатты өмір салтына тәрбиелеу сынды тәрбиенің негізгі бағыттары бойынша жұмыстар жүргізіледі.

Кафедра ұжымы сапалы маман дайындаумен қатар ғылыми, тәрбиелік жұмыстармен шұғылданады, жастарға үлгі-өнеге көрсетеді.