Әлеуметтік ғылымдар факультеті

Әлеуметтік ғылымдар факультеті 1991 жылы университет ашылған алғашқы күннен бастап негізі қаланған үлкен факультеттердің бірі. Факультеттің негізгі мақсаты – заманауи сұраныстарға жауап бере алатын жоғары білікті мамандарды даярлау. Факультетте әлеуметтік ғылымдар саласының экономика, басқару, қаржы, құқықтану, халықаралық қатынастар, саясаттану, философия, әлеуметтану және т.б. бағыттары бойынша 6 шығарушы кафедра жұмыс жасайды. Олар: «Экономика», «Менеджмент және туризм», «Қаржы және аудит», «Құқықтану», «Халықаралық қатынастар» және «Қоғамдық ғылымдар» кафедралары. Бұл кафедраларда 700-ге жуық студенттер, магистранттар мен докторанттар білім алса, 90-ға жуық ОПҚ қызмет етеді. 11 мамандық бойынша білікті мамандар дайындайтын факультетте түркі мемлекеттерінен келген шетелдік студенттер дәріс алып, кәсіби оқытушылар қызмет етеді. Факультетте оқыту барлық мамандықтар бойынша қазақ, түрік, орыс және ағылшын тілдерінде жүргізіледі.

11
Мамандық
843
Студент
85
Жұмыспен қамтылған
98
ОПҚ

Факультетімізде әлеуметтік ғылымдар саласының барлық бағыты бойынша ғылыми-зерттеу жұмыстары жүргізіледі. Атап айтқанда факультетімізде төмендегідей Түркия Республикасы Өкілетті Кеңес тарапынан, ТР ТИКА қоры тарапынан, ҚР БҒМ тарапынан қаржыландырылатын ғылыми-зерттеу жобалары жүргізілуде:

  • ОҚО агроөнеркәсіптік кластерді қалыптастыру мен олардың өнімділігін арттырудың басымды бағыттарын әзірлеу атты жоба. Мерзімі 01.04.2015-31.03.2017ж.ж. аралығы. Жетекшісі: Мырзалиев Б.С.
  • Инновациялық даму жағдайында ОҚО еңбек ресурстарының сапасын артуына мүмкіндік беретін ұсыныстарды дайындау атты жоба. Мерзімі 01.04.2015-30.09.2017ж.ж. Жетекшісі: Ыдырыс С.С.
  • Түркістан қаласында зергерлік саланы дамытудың ұйымдастырушылық – экономикалық механизмдерін жетілдіру (Түркия Республикасының тәжірибесі) атты жоба. Мерзімі 01.04.2015-30.09.2016ж.ж. Жетекшісі: Мунасипова М.Е.
  • Қожа Ахмет Ясауи атындағы Халықаралық қазақ-түрік университетінде берілетін білім беру қызметтерінің сапалық көрсеткіштерін тұтынушылардың талап-тілектері мен қажеттіліктері бойынша арттыру жолдары атты жоба. Мерзімі 01.04.2015-31.03.2016 ж.ж. Жетекшісі: Келесбаев Д.Н.
  • Turkistanda yerel halkin turizm algisinin ve turistlere yonelik tutumlarinin belirlenmesi атты жоба. Мерзімі 01.04.2015-31.03.2016 ж.ж аралығы. Жетекшісі: Бурхан Севим.
  • Перспективы интеграции тюркского мира в современное казахское общество:проблемы и их решения атты жоба. Жетекшісі: Балтабаева А. Мерзімі 2014-2017 ж.ж. аралығы.
  • Түркі әлемі және Ұлы Жібек Жолы арасындағы интеграциялық, жаңашылдық үрдістер атты жоба. Жетекшісі: Малдыбек А. Мерзімі 2015-2017 ж.ж. аралығы.
  • Қожа Ахмет Ясауи Кесенесін Халықаралық деңгейде таныту атты жоба. Жетекшісі: Кучуктопузлу К.Ф.
  • Қожа Ахмет Ясауи Кесенесін Халықаралық деңгейде таныту атты қосымша жоба. Жетекшісі: Кучуктопузлу К.Ф.
  • Айгөлек балабақшасында түрік тобы атты жоба. Жетекшісі: Кучуктопузлу К.Ф.
  • Қазақстандағы 4-5 жұлдызды қонақ үйлердегі қызметкерлердің азық-түлік қауіпсіздігін қамтамасыз етуге қатысты білімін, ұстанымдарын және іс-әрекеттерін анықтау. Жетекшісі: Абубакирова Ақтолқын, Мерзімі 2016-2017ж.ж. аралығы.

Қыркүйек айының 27-ші жұлдызында «Халықаралық туризм» күніне орай 5В090200-Туризм мамандығының білімгерлері арасында «Түркістан аймағындағы туризмді жетілдіру» атты инновациялық жобалар сайысы ұйымдастырылып өткізілді. Бұл іс-шараның мақсаты әлем бойынша «Халықаралық туризм» күнін атап өтумен қатар, маман иесі ретінде туризм саласын өзіндік бағалау, яғни кемшіліктері мен потенциалын ескере отырып ұсыныстарды ортаға салу, елімізде туризмді дамытудың негізгі мақсаты қазіргі заманғы жоғары нәтижелі және бәсекеге қабілетті туристік кешен құру, сол арқылы туризм саласын экономиканың бір секторы ретінде әлемдік маңызын арттыру және халықаралық туристік орталықтардан кейін қалып қоймай, ары қарай дамыту
болып табылады.

Қазан айының 19-жұлдызында «Экономика» кафедрасының профессоры ,доктор Нихат Байнар «Жаңа әлемдік жүйе:жаhанданудың ықпалы» атты семинар өткізді.

2016ж.қараша айының 24-ші жұлдызы күні ҚР БжҒМ-нің іс-шара жоспарына сәйкес «Құқықтану»кафедрасы Қазақстан Республикасының Тәуелсіздігінің 25 жылдығына орай іс-шара ұйымдастырып PhD, аға оқытушы М.М. Иманбекова «Елдің асыл тірегі – Ата заң» атты тақырыптағы лекциясын оқыды.

Желтоқсан айының 30-жұлдызында  Қаржы мамандығының ЭҚЖ 411F тобының ұйымдастыруымен «Назарбаев Университетінің жетістіктері» атты тақырыбындағы ашық сабақ өткізілді.

Факультетте желтоқсан айының 5-ші жұлдызында ҚР Білім және Ғылым министрлігінің жоспарына сәйкес «Менеджмент және туризм» кафедрасына қарасты Мемлекеттік және жергілікті басқару мамандығы студенттерінің арасында «Ұлы дала тарихы» атты интелектуальды ойын өтті.

Факультет халықаралық ынтымақтастық жұмыстары аясында Түркияның Гази университетімен, Акдениз университетімен, Хаджеттепе университетімен, Ататүрік университетімен, Эржиес университетімен және Ресей Федерациясының Санкт-Петербург мемлекеттік университетімен тығыс байланыста. Бүгінгі таңда академиялық ұтқырлық аясында Түркия Республикасының Мула, Хажеттепе университеттерінде 3 студент бір семестр білім алып келсе, Эрджиес университетінде тағы бір студент білім алуда. Сонымен қатар Түркиядағы Гази университетінің студенті Али Осман Карджи туризм мамандығы бойынша бір семестрге, Эржиес университетінің студенті Турунч Гамзе туризм мамандығы бойынша екі семестрге академиялық ұтқырлықпен келіп дәріс алды. Оқытушылар Р.Тәжібаев, Д.Келесбаев, Ж.Талдыбаева Мевлана бағдарламасы аясында Түркия Республикасының жоғары оқу орындарына барып екі апта дәріс жүргізіп қайтты. Д.Келесбаев пен Н.Байбахов Ұлыбританияда біліктілік жетілдіру курсынан өтті.

Тұңғыш  Елбасы кітапханасындағы «Әлемді өзгертетін идеялар» семинарына  қырқүйек айының 18-23 жұлдызы аралығында факультетімізден 25 студент қатысып қайтты. Оларды оқу әдістемелік департаменті директорының орынбасары М.М.Мирзахметов және факультетіміздің тәрбие ісі жөніндегі декан орынбасары С.М.Мұханов бастап апарды. Студенттеріміз еліміз үшін дамудың даңғыл жолын салған «100 нақты қадам» Ұлт жоспарымен жан-жақты танысып семинар-трининг соңында дөңгелек стол ұйымдастырылып әрбір тақырып бойынша топтар арасында пікірталас  өткізілді. Семинардың соңғы күні қорытындыланып кітапхана директорының атқарушы директоры құттықтау сөз сөйлеп студенттерімізге сертификаттар мен қатар естелік кітаптар тапсырды.

Факультет декан орынбасары Мұханов Сақтапберген Мырзабекұлы Ахмет Ясауи жылына, ҚР Тәуелсіздігінің және оқу ордамыздың 25 жылдығына арналған университеттің оқытушы-профессорлар қауымы мен әкімшілік қызметкерлерінің арасында ұйымдастырылған «Тұран дауысы» әншілер байқауына қатысып I-орын дипломымен марапатталды.

2016 жылғы ҚР БҒМ-нің бекітумен өткізілген ең үздік ғылыми жұмысына арналған республикалық байқауда «Мемлекеттік және жергілікті басқару» мамандығының 2 курс студенті Еділқызы Гулнур  жүлделі ІІІ орынға ие болды.

2016 жылғы ҚР жоғары оқу орындары студенттерінің ғылыми-зерттеу жұмыстары қорытындысы бойынша Туризм мамандығының 2 курс студенті Қойбек Айдын Ермекұлы 5В090400-Әлеуметтік-мәдени сервис мамандығы бойынша марапатталды.

«Мемлекеттік және жергілікті басқару» мамандығының 1 курс студенті Әбен Дариға еркін күрестен ҚР спорт шебері

— Талдықорған қаласында өткен ҚР Чемпионатында III орын иеленді (22-23.04.2016)

— РФ Якутияда өткен VI Азия балалар ойындары II орын иеленді (5-17.07.2016)

— Өзбекстан Республикасында өткен Халықаралық жарыста II орын иеленді (16-20.11.2016)

Қазан айының 23-26 жұлдызы күндері Түркия Республикасында еркін күрестен студенттер арасында Әлем чемпионаты өтті. Айтулы додаға 5В051000-«Мемлекеттік және жергілікті басқару» мамандығының студенті Аширов Мейіржан қатысып I-орынды иеленіп Түркия төрінде Қазақстанның көк туын желбіретіп қайтты.