Университет шет елдегі 184 жоғары оқу орнымен, сондай-ақ, «Erasmus+» бағдарламасы бойынша 7 шетел университеттерімен ынтымақтастық келісім-шартына отырған. Оқу орнымыз Халықаралық университеттер қауымдастығы мен халықаралық университеттер президенттерінің қауымдастығына мүше.
«Мәулана» академиялық ұтқырлық бағдарламасы шеңберінде Түркия Республикасының алдыңғы қатарлы университеттерімен (Хаджеттепе, Гази, Эрджиес, т.б.) екіжақты 140 келісім-шарт жасалып, сол келісім негізінде студенттер 1 академиялық кезеңде түрік және ағылшын тілдерінде білім алуда.
Ұлыбританиядағы және АҚШ-тағы Оксфорд Екзетер, Кэмбридж, Брунель, Небраска Линкольн, Огайо, Кампус Саффолк университеттерінен, Норвегия, Испания, Түркия және Ресейдің алдыңғы қатарлы жоғары оқу орындарынан 2 апталық дәріс оқу үшін «Визитинг-профессор» бағдарламасы бойынша жыл сайын танымал профессорлар шақырылады.

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІНІҢ БҰЙРЫҒЫ НЕГІЗІНДЕ ШЕТЕЛДЕ БІЛІМ АЛУҒА АРНАЛҒАН ҰТҚЫРЛЫҚ БАҒДАРЛАМАСЫ

Үміткерлерге қойылатын талаптар

• ҚР азаматы болу;
• Жоғары академиялық көрсеткіштерге ие болу (орташа балл 2,75-тен жоғары болуы шарт);
• Шет тілінде еркін сөйлеу, сертификатпен растау (бар болған жағдайда);
• Факультетте конкурстық іріктеуден өту.

 Білім алушылардың шетелге іс-сапарға шығу үшін қажетті құжаттар

1. Форма бойынша ректордың атына өтініш үлгісі
2. Ұсыныс хат (декан)
3. Жеке оқу жоспары
4. Оқу транскрипті
5. Негізгі оқу жоспары
6. Шетелге шығу үшін белгіленген үлгідегі медициналық анықтама (№082 форма)
7. Шетелдік ЖОО-ның ресми шақыруының көшірмесі
8. Екі жақты келісімшарт
9. Хаттама
10. Кафедрадан хаттама

Сыртқы академиялық ұтқырлық бағдарламасы негізінде жасалынған келісім-шарттар мен меморандумдар тізімі…