500 білім гранттары

Түркия гранты конкурсына Ұлттық бірыңғай тестілеуден «Денсаулық сақтау және әлеуметтік қамтамасыз ету (медицина)» білім беру саласы бойынша кемінде 65 балл, «Педагогикалық ғылымдар» саласы бойынша 60 балл, ал басқа мамандықтарға 50 және одан жоғары ұпай жинаған Қазақстан Республикасының азаматтары қатыса алады. Түркия грантына іріктеу жұмыстары Ұлттық бірыңғай тестілеу нәтижесі бойынша берілген сертификаттарының ұпайына қарай жүргізіледі. Ұпай саны тең болып, басым құқығы болмаған жағдайда, сондай-ақ аттестаттың, куәліктің немесе дипломның орташа ұпайы бірдей болғанда бірінші бейіндік пән бойынша алған ұпайы, екінші әлеуметтік жағдайы ескеріледі. «Алтын белгі» иегерлері конкурс кезінде ұпайлары бірдей болған кезде ғана ескеріледі.