Құрметті зерттеуші

Құрметті зерттеуші

EFE 2022 конгрессі Ұйымдастыру комитеті атынан сіздерді 2022 жылдың 7-9 қыркүйек күндері Түркістан қаласында өтетін «Пандемиядан кейінгі әлемдегі ақша-несие және қаржылық саясат: тәжірибе, және мәселелер мен қиындықтар» атты V Халықаралық экономика, қаржы және энергетика конгрессіне (EFE’2022) шақырамыз. Конгресстің Түркістан қаласында офлайн және онлайн форматта (гибридтік) өтетінін хабарлай отырып, іс-шараға қатысуларыңызды қуанышпен қарсы аламыз.

EFE конгрессі 2014 жылдан бері Қожа Ахмет Ясауи атындағы Халықаралық қазақ-түрік университетінің ұйымдастыруымен екі жылда бір рет өткізіліп келеді. Толық ақпаратты http://2022.efecongress.org/ сайтынан алуға болады. Конгресс туралы негізгі ақпарат төмендегідей:

Конгресс тақырыптары

• Қаржылық саясат
• Ақша-несие саясаты
• Орталық банк қызметі
• Қаржы нарықтары, институттары және интеграция
• Криптовалюталар
• Метаверс
• Белгісіздік және тәуекел
• Саяси тұрақсыздық
• Ғаламдық құн тізбегі
• Тұрақты даму
• Өсу және таралу
• Жұмыс және жұмыспен қамтудың өзгермелі сипаты
• Экономика, қаржы және энергетика саласындағы басқа тақырыптар

Маңызды күндер

• Баяндама аңдатпасын жіберудің соңғы мерзімі: 2022 жылы 1 шілде
• Қабылдау туралы хабарлама: 2022 жылы 15 шілде
• Конгресс бағдарламасының жариялануы: 2022 жылы 15 тамыз
• Конгресс күндері: 2022 жылы 7-9 қыркүйек
• Толық мәтінді тапсырудың соңғы мерзімі: 2022 жылы 30 қыркүйек

Ескерту: Қатысу тегін, сондай-ақ баяндама аңдатпасы мен толық мәтін қазақ, түрік, ағылшын және орыс тілдерінде қабылданады. Қосымша ақпарат алу үшін info@efecongress.org электрондық поштасына хабарласуға болады.