БІЛІКТІЛІГІ

БІЛІМ БЕРУ БАҒДАРЛАМАСЫНЫҢ МАҚСАТТАРЫ МЕН МІНДЕТТЕРІ 

Жалпы білім берудің мақсаттары: 

Білім беру бағдарламасының мақсаты

• Болашақ саясаттанушылардың қоғамның саяси үрдістерін түсінуі үшін қажетті ғылымдардың негізін меңгеру;
• Білім, сараптамалық қызметке саяси құндылықтар көзқарасы тұрғысынан қарау арқылы іске асқан адамзаттың әлеуметтік-саяси тәжірибесін меңгеру;
• Жеке тұлғаның өзін-өзі жетілдіруі мен жалпы даму үрдісі негізінде қоғамдық-саяси  еңбек қызметіне араласуы;
• Ғылыми саяси танымды, мемлекет, қоғамдық қозғалыстар, қоғам мен азаматтар арасындағы қатынастарды реттейтін саяси этикалық нормаларды, қоршаған ортаға сараптамалық көзбен қарауды, толеранттық пен теңдікті және қоғамға пайдалы қызмет етуді қалыптастыру;
• Саяси саласына қатысты негізгі білім алу, түрлі үрдістерді талдау мен бағалау,  оларға саяси талдау жасаудың әдістерін меңгеру, оларды кәсіби салада пайдалана білуге дағдылану;
• Отансүйгіштік, Қазақстан Республикасы халықтарының достықты, саяси   мәдениетті, толеранттылықты сақтауды қалыптастыру;
• Жалпы адамзаттық және әлеуметтік-саяси құндылықтарын қалыптастыру;
• 6М050200 – «Саясаттану»  мамандығы шеңберінде кәсіби білімді және тәжірибелік дағдыларды қамтамасыз ету.

Жалпы білім берудің міндеттері: 

• Магистранттарға саяси теориясының жүйелі білімін қалыптастыру;
• Магистарнттарды жағдайға қарай (ұлттық менталитеттің, ұйымдастырушылық құрылымдардың, саяси дәстүрлер мен саяси — әлеуметтік ұтқырлықтың ерекшеліктерін ескере отырып) ойлау және әрекет етуге икемдеу;
• Магистранттарға саяси және ғаламдық болжаудың, әскери этикеттің үлгілерін құрастыру мен саяси талдау және болжамдаудың дағдыларын беру;
• Болашақ магистрлердің кәсіби қызметіне қажетті құзіреттерді қалыптастыру. 

БІЛІМ БЕРУ БАҒДАРЛАМАСЫНЫҢ ОҚУ НӘТИЖЕЛЕРІ 

Білімі:

• Заманауи ақпараттық технологияларды іс жүзінде қолдану арқылы ішкі және сыртқы саясаттың, әлемдік саясаттың не екенін түсінеді;
• Халықаралық аренада болып жатқан саяси оқиғаларға саяси талдау және болжамдау жасай алады;
• Әлемдік саясатқа қатысты әртүрлі іс-шараларды мұқият қабылдайды, оған өзінің ұсыныстарын білдіреді;
• Заманауи ақпараттық технологиялар арқылы әлемдік саясатты жіті қадағалау дағдысы қалыптасады.

Қолдана білуі:

• Әлемдік саясаттың не екенін түсініп, алған білімін қолданады;
• Саясаттану мамандығы бойынша алған білімін ұжыммен жұмыс істеу барысында қолдана алады;
• Топпен жұмыс жасау барысында тапсырмаға сәйкес жаңа шешімдер ұсынуға дағдыланады. 

Біліктілігі:

• Заманның талабына сай әлемдік саясаттағы өзгерістерді қабылдай алу, оған дер кезінде жауап бере білу арқылы өзінің тұлғалық құндылығын және жоғары кәсіби сарапшылық деңгейін көрсете білу.

Құзіреттілігі: 

Теориялық және іс-тәжірибелік дайындықты меңгерген, кәсіби біліктілігі мен білімі жоғары, мемлекеттік білім беру стандартына сай мамандарды даярлауды жүзеге асырады.