БІЛІКТІЛІГІ

«Қаржы» мамандығы бойынша экономика және бизнес бакалавры

БІЛІМ БЕРУ БАҒДАРЛАМАСЫНЫҢ МАҚСАТТАРЫ МЕН МІНДЕТТЕРІ

Жалпы білім берудің мақсаттары:

• Білім алушыларды тұлғалық және әлеуметтік жағынан дамытуға, сондай-ақ білім беру үрдісінің әлеуметтік салаларын үйлестіруге бағытталған кәсіби қызметті жүзеге асыруға және бәсекеге қабілетті халықаралық талаптарға сай кәсіби біліктілігі жоғары мамандарды даярлау;

• Зерттеушілік дағдыға ие және өзіндік зерттеушілік жұмыстарды жоспарлауға,  орындауға, жетекшілік етуге, салааралық ғылыми бағыттарды үйлестіруге қабілетті жоғары білікті мамандарды даярлау;

• Кәсіби білімнің іргетасы ретінде тұрақты өзгеріп отыратын экономикалық коньюктура жағдайында қаржы-бюджет сферасында, банк және сақтандыру ісінде, салық салуда, валюта және қор нарықтарында халықаралық стандарттар бойынша арнайы сипаттағы базалық білім, дағды қалыптастыру;
• Теория мен практиканы ұштастыра отырып экономикалық бағыттағы ғылыми-зерттеу жұмыстары  мен кәсіби қызметке даярлауды қалыптастыру.

Жалпы білім берудің міндеттері:

• Ақша-несие және қаржылық қатынастарды реттейтін заңнамалық-нормативтік актілер мен қағидалардың атқарылуын қамтамасыз ету;
• Кәсіби қызметтің барлық салаларының қаржылық тәртібінің сақталуын бақылау;
• Құрылымдық бөлімшелерде қаржыны ұтымды ұйымдастыру;
• Шаруашылық жүргізуші субъектілердің, несиелік ұйымдардың, банк мекемелерінің, сақтандыру және зейнетақы компанияларының қызметінде қаржы менеджментін қолдану;
• Бюджет шығыстарын бюджеттік жоспарлау және оның тиімді пайдаланылуын бағалау;
• Қаржылық тәуекелдердің мониторингі және оларды басқару.

БІЛІМ БЕРУ БАҒДАРЛАМАСЫНЫҢ ОҚУ НӘТИЖЕЛЕРІ

Білімі:

• Қаржылық, экономикалық қатынастарды рационалды ұйымдастырылуын қамтамасыз етеді;
• Экономиканы тиімді қаржыландыру механизмінің әдіс-тәсілдерін қолданады;
• Экономикадағы қаржы-несие жүйесінің ұйымдастырылуына қарай шаруашылық субъектілер арасындағы қаржылық қатынастарды талдайды;
• Жаңа ақпараттық құралдар мен олардың қолданылуын меңгереді.

Қолдана білуі:

• Студент нарық коньюктурасын ескере отырып, қаржы саласына қатысты ақпараттарды, игерген білімді кәсіби деңгейде қолдана алуы керек;
• Қаржы-бюджет, ақша-несие сферасындағы, банктік, сақтандыру және инвестициялық технологиялар саласындағы орын алған жағдайларды  бағалау;
• Басқару шешімдерін қабылдауда қаржылық сараптамаларды зерттей білуі керек;
• Ақпараттық жүйелермен жұмыс істей білуі керек.

Біліктілігі:

• Ақпараттық құралдарды қолдана отырып, қаржы саласының жедел және ұзақ мерзімді болжамын жасай білуі керек;

• Қаржы қозғалысындағы қабылданатын тұжырымдамалардың өміршеңдігін болжау негізінде қорытынды ұсына білу.

Құзіреттілігі:

Мамандықтың арнайы құзіреттері Қазақстан Республикасының мемлекеттік жалпыға міндетті білім беру стандартының талаптарына сәйкес жұмыс берушілердің, профессор-оқытушылар құрамының, бітірушілер мен қоғамның әлеуметтік сұраныстары ескеріле отырып анықталады.