БІЛІКТІЛІГІ

• Әлеуметтік ғылым бакалавры

БІЛІМ БЕРУ БАҒДАРЛАМАСЫНЫҢ МАҚСАТТАРЫ МЕН МІНДЕТТЕРІ

Жалпы білім берудің мақсаттары:

• қазіргі журналистиканың заманауи хал-ахуалы, дамуы, құрылымы жайлы ақпараттармен таныстыру. Қазіргі журналистиканың ерекшеліктері мен осы мамандық жайлы жалпы мәлімет беру.

• қоғамдық құбылыстардың өзара байланысын, зерттеу әдістерін білу, болжамдар жасау; журналистің әлеуметтік, экономикалық кәсіби рөлін білу;
• географиялық және әлеуметтік ықшамдылық әдістемесін меңгеру;
• өзін жеке тұлға ретінде сезіну, әлеуметтік баламалық таңдаулар жағдайында өз құқықтары мен міндеттерін қорғай білу.

Жалпы білім берудің міндеттері:

• студенттерге қазіргі журналистика саласының маңызы, мақсаты және құрылымымен қатар, журналистика саласындағы мамандардың рөлі мен міндеттерін оқыту;
• жаңа ақпараттық технологияларды қолдана отырып, әртүрлі баспа өнімдерін басып шығарудың әдіс-тәсілдерін меңгерту;

БІЛІМ БЕРУ БАҒДАРЛАМАСЫНЫҢ ОҚУ НӘТИЖЕЛЕРІ

Білімі:

• студент қазіргі журналистиканың қоғамдағы орны мен рөлін талдауды игереді;
• әлемдік және отандық басылымдардың жүйесі, жалпы жағдайлары мен құрылымдары туралы мағлұмат алады;
• жаңа ақпараттық құралдар мен олардың қолданылуын меңгереді.

Қолдана білуі:

• студент нарық коньюктурасын ескере отырып, журналистика саласына қатысты ақпараттарды, игерген білімді кәсіби деңгейде қолдана алуы керек;
• маркетингтік ақпарат құрылымдарының жоспарын жасай білуі керек;
• ақпараттық жүйелермен жұмыс істей білуі керек.

Біліктілігі:

• Бұқаралық, жүйелік және жаңа ақпараттық құралдарды қолдана отырып, журналистика саласының жедел және ұзақ мерзімді болжамын жасай білуі керек;
• Журналистика саласында маркетинг, менеджмент және басқа да нарықтық механизмдерді қолдана білуі керек.

Құзіреттілігі:

Болашақ журналистің маманданған құзыреттілігі жұмыс берушілер мен БАҚ-тардың талаптарына сай болуы қажет.