БІЛІКТІЛІГІ

• Туризм мамандығы бойынша қызмет көрсету саласының бакалавры

БІЛІМ БЕРУ БАҒДАРЛАМАСЫНЫҢ МАҚСАТТАРЫ МЕН МІНДЕТТЕРІ

Жалпы білім берудің мақсаттары:

• Экономиканың индустриалды-инновациялық даму қажеттіліктерін, еңбек нарығындағы ішкі және сыртқы талаптарды қанағаттандыруда туризм саласы бойынша бәсекеге қабілетті кадрларды дайындау;
•  Экономиканың  дамуына қарқынды үлес қосатын туризм саласында: бизнес пен кәсіпкерлікті, еңбек нарығын, маркетинг, бренд және жарнаманы, инвестициялық жобаларды жоғары деңгейде меңгерген, жетілдірілген кәсіби мамандарды дайындауды қамтамасыз ету;
•  Қоғамның әлеуметтік-экономикалық даму заңдылықтарын, қазіргі ақпараттық технологияларды, мемлекеттік тілді, ұлтаралық қарым-қатынас құралы ретінде шет тілдерін, мәдениетін, тарихын меңгеру негізінде әлеуметтік-гуманитарлық білімді қамтамасыз ету;
• Кәсіби білімнің іргетасы ретінде психологиялық-педагогикалық және арнайы сипаттағы базалық білімді қамтамасыз ету, қазіргі таңдағы туризм саласының жағдайы мен дамуы, құрылымы жайлы ақпараттармен таныстыру.

• Өзін жеке тұлға ретінде сезіну, әлеуметтік баламалық таңдаулар жағдайында өз құқықтары мен міндеттерін қорғай білу..

Жалпы білім берудің міндеттері:

• Студенттерге қазіргі туризм саласының маңызы, мақсаты және құрылымымен қатар, туризм саласындағы мамандардың рөлі мен міндеттерін оқыту;
• Жаңа ақпараттық технологияларды қолдана отырып, туризм саласындағы туристік қызмет пен туристік өнімдерді қалыптастыру мен таратудың әдіс-тәсілдерін үйрету.

БІЛІМ БЕРУ БАҒДАРЛАМАСЫНЫҢ ОҚУ НӘТИЖЕЛЕРІ

Білімі:

• Студент қазіргі экономикадағы туризм саласының алатын орны мен рөлін талдауды игереді;
• Әлемдік және отандық туризм индустриясы жүйесі, жалпы жағдайлары мен құрылымдары туралы мағлұмат алады;
• Туризм индустриясындағы жаңа ақпараттық жүйелер мен олардың қолданылуын меңгереді.

Қолдана білуі:

• Студент нарық коньюктурасын ескере отырып, туризм саласына қатысты ақпараттарды, игерген білімді кәсіби деңгейде қолдана алуы керек;
• Туризм саласында менеджмент, маркетинг құрылымдарының жоспарын жасай білуі керек;
• Халықаралық деңгейдегі ақпараттық жүйелермен жұмыс істей білуі керек.

Біліктілігі:

• Халықаралық жаңа ақпараттық жүйелерді қолдана отырып, туризм саласының жедел және ұзақ мерзімді болжамын жасай білуі керек;
• Туризм саласында менеджмент, маркетинг, инвестиция және басқа да нарық талабына сай механизмдерді қолдана білуі керек.

Құзіреттілігі:

Болашақ туризм мамандығы бойынша қызмет көрсету саласының бакалаврына маманданған құзыреттілігі туризм индустриясы талаптарына сай болуы қажет.