Жаңалықтар

Бүгін университетімізде дәстүрлі «Қош келдің, студент!» атты тағылымды шара өтті. Іс-шараға Өкілетті кеңес төрағасы PhD., профессор Мұхиттин Шимшек, университет ректоры Темірбекова Жанар Амангельдыевна және ректор өкілі Prof. Dr. Нажи Генч қатысып, жаңа оқу жылында білім ордасының табалдырығын аттаған 1-курс студенттеріне ыстық ықыластарын білдірді.

Дінтану кафедрасының студенттері де аталмыш мерекелік жиынға қатысып, университет басшылығының жүрекжарды лебіздері мен ақ тілектерінен үлкен әсер алды. Жаңа студенттер өз кезегінде осындай мәртебелі оқу орнына қабылданғандарына қуанышты екендерін жеткізді.

✨ Бұл шара жас буынға ерекше серпін беріп, алдағы оқу жылына мол мотивация сыйлады.