Жаңалықтар

Бүгін факультетіміздің деканы студенттерге жауапты кураторлармен кездесіп, жаңа оқу жылына арналған тәрбие жоспарын талқылады. Жиын барысында 2025–2026 оқу жылына бекітілген жоспар таныстырылып, әр куратор өз жұмысын осы құжат негізінде жүргізуі тиіс екендігі атап өтілді.

Сонымен қатар, студенттердің сабаққа тұрақты қатысуын қадағалау маңызды міндеттердің бірі екендігі айтылды. Жоспарда көрсетілген айлық тақырыптардың уақытылы өткізіліп отыруы қажет екендігіне назар аударылды.

Факультет деканы кураторларға идеологиялық тәрбие бағытындағы іс-шаралардың жүйелі түрде жалғасуын тапсырды. Атап айтқанда, «Адал адам», «Толық адам», «Таза Қазақстан» акцияларына байланысты шаралардың үзілмей жүргізілуі, сондай-ақ нашақорлық пен лудоманияның зияны жөнінде студенттер арасында тұрақты түрде түсіндіру жұмыстары жүргізілуі қажет екендігі қадап айтылды.

✨ Бұл басқосу кураторлардың алдағы жұмысына бағыт-бағдар беріп, жаңа оқу жылында тәрбиелік іс-шаралардың сапалы атқарылуына жол ашты.