Жаңалықтар

Спортшы студентіміз Елнұр Төребек каратэден (WKF) екі дүркін Азия чемпионы атанды. Спортшымыз Қытайдың Шаогуань қаласында өткен кадеттер, жасөспірімдер мен U21 жас санатындағы Азия чемпионатында ел мерейін асқақтатты.

5-7 қыркүйек аралығында өткен әлемдік дода тартысқа толы болды. Спорт факультетінің 2-курс студенті Елнұр Төребек 60кг салмақ дәрежесінде қарсыласын жеңіп, алтын медальға ие болды.

Жалпы жарыс қорытындысы бойынша Ұлттық құрама мүшелері 17 медальды қанжығасына байлады. Қазақстан спортшылары 4 алтын, 3 күміс және 10 қоланы ел қоржынына салды. 

Екі дүркін Азия чемпионы атанған спортшымыз Елнұрды шын жүректен құттықтаймыз, алдағы бәсекелеріңе тек сәттілік.