Деканның хабарламасы

Құрметті білім алушылар,

Қ.А. Ясауи атындағы Халықаралық қазақ-түрік университетінің Экономика және басқару факультеті ретінде басты мақсатымыз – жауапкершілік сезімі жоғары, өзіне сенімді, жаңашыл, зерттеуші, ойлай білетін, сұрақ қоя алатын және шешім қабылдай алатын тұлғаларды тәрбиелеу. Факультетіміз тек кәсіби білім беруді ғана емес, сонымен бірге жалпы адамзаттық құндылықтарды бойына сіңірген, қоғамға пайдасын тигізетін және жаһандық бәсекеге қабілетті көшбасшыларды қалыптастыруды көздейді.

Білім алушыларға ұсынылатын білім беру бағдарламалары қазіргі заманның сұраныстарына жауап беретін әрі болашақ қажеттіліктерді ескере отырып әзірленген. Біздің түлектер мемлекеттік және жеке сектор ұйымдарында маңызды міндеттерді атқара алатын біліктілікке ие, сонымен қатар магистратура мен докторантура бағдарламаларында білімін жалғастырып, академиялық ортада да табысты мансап жасай алады.

Факультетіміз заманауи басқару қағидаттарын ұстана отырып, ашықтықты, қатысушылықты және жаңашылдықты басты ұстаным еткен. Білім беру үдерісінде мықты академиялық құрам мен халықаралық әріптестіктердің арқасында білім алушыларымыз тек теориялық біліммен шектелмей, сонымен қатар тәжірибелік және ғылыми-зерттеу мүмкіндіктеріне де ие болады.

Біз ақыл мен ғылымның шамшырағы болып қалыптасқан түлектеріміздің тек Қазақстан мен Түркияға ғана емес, бүкіл түркі әлемі мен адамзатқа қызмет ететініне кәміл сенеміз. Осы ұстаныммен факультетімізде алған білім мен игерген құндылықтарыңыз сіздерді болашаққа нық сеніммен жетелейтініне толық сенім білдіреміз.

Құрметпен, PhD., аға оқытушы  Узун Иылмаз  Ульви 

Экономика және басқару факультетінің деканы 

Қ.А. Ясауи атындағы Халықаралық қазақ-түрік университеті