Білім беру мақсаттары мен жетістіктері

Мақсаты:

«Хирургиялық және балалар жасындағы стоматология» кафедрасының басты мақсаты – қазіргі заманғы талаптарға сай, жоғары білікті, кәсіби құзыреттілігі қалыптасқан, теориялық білімі мен тәжірибелік дағдылары жетілген, ғылыми-зерттеу жұмыстарын меңгерген, қоғам мен науқастардың сұранысын қанағаттандыра алатын бәсекеге қабілетті дәрігер-стоматолог мамандарды даярлау.

Міндеттері:

• Студенттерге «Стоматология» мамандығы бойынша білім беру бағдарламасына сәйкес теориялық және клиникалық білімді сапалы түрде меңгерту;
• Хирургиялық стоматология, балалар стоматологиясы, ортодонтия, имплантология және жақ-бет аймағы хирургиясы салалары бойынша фантом кабинеттер мен клиникалық базаларда тәжірибелік сабақтарды ұйымдастыру;
• Оқу үдерісінде заманауи симуляциялық құрал-жабдықтарды, инновациялық оқыту технологияларын және интерактивті әдістерді кеңінен қолдану;
• Оқу-әдістемелік кешендерді әзірлеу және білім беру сапасын арттыру бағытында үздіксіз жаңарту жұмыстарын жүргізу;
• Ғылыми-зерттеу жұмыстарын дамыту, студенттер мен оқытушыларды ғылыми ізденіске тарту, ғылыми мақалалар мен баяндамалар жариялау арқылы кафедраның ғылыми әлеуетін арттыру;
• Тәрбиелік жұмыстар жүргізу арқылы студенттердің кәсіби этикасын, патриоттық рухын және жауапкершілігін қалыптастыру;
• Кафедра оқытушыларының кәсіби біліктілігін арттыру, үздіксіз білім беру және халықаралық тәжірибе алмасу мүмкіндіктерін пайдалану арқылы кафедра қызметінің сапасын жетілдіру.