Жаңалықтар

Бүгін оқу ордамыздың кітапханасында кітапханашылар күніне орай Түлектер қауымдастығы мен кітапхананың Руханият клубының ұйымдастыруымен Қазақстан Жазушылар Одағының мүшесі, Мұхтар Әуезов атындағы Әдебиет және өнер институтының Тәуелсіздік дәуірі әдебиеті және көркем публицистика бөлімінің бас ғылыми қызметкері, филология ғылымдарының докторы, белгілі жазушы Нұрдәулет Ақыштың қатысуымен «Жазушы мен әдеби дәстүр» тақырыбында рухани кездесу өтті.  Жазушы мен студент арасында рухани байланыс орнап, жазушының еңбектері талданды. Кештің соңы сұрақ-жауапқа ұласып, руханият клубының мүшелері дайындаған жазушының шығармасынан көрініс қойылды.