Хабарландырулар

  • image image image image
    • shape
    shape

    Жаңалықтар

    Blog Image
    Түлектеріміз 05.12.2025

    «Ұлы Дала философиясы және құқықтық мәдениет» атты симпозиумы аясында «Философия, әділет және адамгершілік: Заманауи трансформациялар дәуіріндегі түркі өркениетінің сабақтастығы» атты Пленарлық отырыс өтті.

     

    2025 жылдың 4-, 5 желтоқсан күндері университетімізде «Ұлы дала философиясы және құқықтық мәдениет» атты Халықаралық симпозиумы өтті. 

    Аталмыш іс-шараны ҚР Конституциясының қабылданғанына 30 жыл толуына орай ҚР Конститутциялық Соты, Түркістан облысының әкімдігі және Ахмет Ясауи университеті бірлесе отырып ұйымдастырды.
    Симпозиумға Қазақстан, Түркия, Өзбекстан, Қырғызстан және өзге де елдерден түркі әлемінің ғалымдары, заң және қоғамдық ғылымдар саласының зерттеушілері қатысты.
    Симпозиумның негізгі мақсаты – түркілік құқықтық ойлау, дала даналығы және Ахмет Ясауи ілімінің қазіргі құқықтық тәрбие жүйесіндегі орнын талқылау.

    4 желтоқсан күні «Түркі әлеміндегі әділет дәстүрі және құқық мұрасы», «Далалық құқық философиясы», «Ұлы дала мұрасынан жаңа мемлекеттілік қағидаттарына дейін» тақырыптары бойынша секция отырыстары мен WORKSHOPтан бастау алған шарада сот, прокуратура және қауіпсіздік құрылымдары өкілдерінің заманауи мемлекетшілдіктің негіздері талқыланды.

    Ал бүгін 5 желтоқсан күні «Ұлы Дала философиясы және құқықтық мәдениет» атты симпозиумы аясында «Философия, әділет және адамгершілік: Заманауи трансформациялар дәуіріндегі түркі өркениетінің сабақтастығы» атты Пленарлық отырыс өтті.

    ????????Жиынның алғашқы спикері ҚР Конституциялық Сот төрағасы, оқу ордамыздың түлегі Эльвира Азимова Қазақстан Республикасы Конституциялық Сотының атынан осы маңызды және терең мағыналы іс-шараны бірлесіп ұйымдастыру мүмкіндігі үшін Өкілетті Кеңес төрағасы Мұхиттин Шимшек пен ректор Жанар Темірбековаға алғын білдірді.
    "Симпозиум идеясы биыл Қазақстан Республикасы Конституциясының 30 жылдығын атап өтуге дайындалып жатқанда және Университет басшылығымен конституциялық әділеттілік пен құқықтық мәдениетті дамытудағы адами құндылықтардың рөлін талқылаған кезде пайда болды.
    Қожа Ахмет Ясауи атындағы Халықаралық қазақ-түрік университетіне осы бастаманы қолдағаны және cимпозиумды Түркістанның – түркі әлемінің рухани астанасы және қазақ мемлекеттілігінің ежелгі орталығының жыл сайынғы жобасына айналдыруды ұсынғаны үшін алғыс айтамын.
    Неліктен біз «Ұлы Даланың философиясы мен құқықтық мәдениетіне» назар аударуды жөн санадық? Өйткені олар ар-намыс, әділдік, үйлесімділік, жауапкершілік және қоғамдастыққа құрмет ұғымдарын қамтиды. Бұл құндылықтар ұлттық бірегейлікті нығайтуға, жауапты азаматтарды тәрбиелеуге және әділ және заңды мемлекетке қарай қазіргі заманғы бағытқа сәйкес қоғамды дамытуға көмектеседі»,-деді.
    Түркістан облысы әкімінің орынбасары, университет түлегі Ертай Алтаев Қазақстан Республикасының Мәдениет және ақпарат министрі Аида Балаева мен облыс әкімі Нұралхан Көшеровтың құттықтау хатын оқып берді.
    Одан әрі сөз кезегі Әзірбайжан Республикасы Конституциялық Сотының судьясы Рашид Рзаевқа, Өкілетті Кеңес төрағасы Мухиттин Шимшекке, ҚР Парламент Мәжілісінің депутаты Унзила Шапақ пен Адам құқықтары жөніндегі комиссия төрағасы Игорь Роговқа, Түркі мәдениеті мен мұрасы халықаралық қорының президенті Ақтоты Раимқұлова мен ҚР Сыртқы Істер министрлігінің ерекше тапсырма жөніндегі елшісі Алуа Надиркуловаға және Түркі мемлекеттері ұйымы жанындағы Түркі мемлекеттерінің кәсіпкер әйелдері кеңесінің төрайымы Ләззат Рамазанова мен Түркі академиясының вице-президенті, профессор Бүлент Байрамға, ҚР Конституциялық Соты жанындағы Ғылыми-консультативтік кеңестің мүшесі, профессор Мүслим Хасеновке беріліп, баяндама барысында түркі өркениетіндегі адамгершілік, әділет және жауапкершілік ұстанымдарының қазіргі қоғам үшін маңызын жан-жақты талдады. Бұл талқылау жиынына университетіміздің ректоры Жанар Темірбекова модератор болды. Ректор маңызды жиын үшін арнайы уақыт бөліп келген спикерлер мен қонақтарға ризашылығын білдірді.
    Симпозиум соңында қатысушылар ортақ ғылыми бастамаларды дамыту жөнінде ұсыныстар қабылдады. Атап айтқанда, ғылыми жинақ шығару, «Түркі дүниесінің құқықтық терминдер сөздігін» әзірлеу және түркі елдері университеттері арасындағы құқықтық зерттеулер желісін құру жоспарланды. Бұл бастамалар түркі халықтарының ортақ құқықтық мұрасын жүйелеп, оны қазіргі құқықтық білім мен ғылыми ортаға енгізуге жол ашпақ.
    Оқу ордамызда өткен бұл халықаралық жиын Ұлы Дала философиясының қазіргі заманғы құқықтық мәдениетке берер үлесі зор екенін айқын көрсетті.
    Симпозиум рухани дәстүр, этикалық қағидалар және құқықтық реформалар арасындағы байланыстарды тереңінен ашып, түркі өркениетінің құқықтық ойы бүгінгі қоғамда да өзектілігін жоғалтпағанын дәлелдеді.