Жаңалықтар

Оқу ордамыздың кітапханасында «Жүрек сыры» атты түнгі поэзия кеші өтті.  Айтулы іс-шараны «Руханият» клубы ұйымдастырды.

Іс-шараға Академиялық мәселелер вице-ректоры Эльмира Идрисова мен оқытушы-профессорлар және қызметкерлер, студенттер қатысты.

Рухани кеште студенттер жыр шумақтарын оқып қана қоймай, әуелетіп ән салды. Талантты білімгерлеріміз өз шығармаларын көпке ұсынып, қошеметке бөленді.

Сонымен қатар, еліміздің белгілі ақындары: Мұқағали Мақатаевтың «Жоқ дәрігер», Мұхтар Шахановтың «Махаббатың жазылмаған заңын», Қалқаман Сариннің «Күзгі хат» сынды өзге де өлеңдерін мәнерлеп оқыды. Сондай-ақ, шетелдік ақындардың шығармашылығынан да шашу шашты.

Жиында «Руханият» клубының мүшелері іс-шараны өткізуге ат салысып, қолдау көрсеткен кітапхана ұжымына сый-сияпаттар табыстады.

Ал, вице-ректор Эльмира Идрисова: «Бүгінгі кешті өткізген барша студентке алғыс білдіреміз. Заманауи кітапханалар – тек білім берумен шектелмей, бүгінгідей қызықты іс-шаралардың бастамасы болатын жер. Сондықтан, поэзия кешін біріге ұйымдастырған кітапхана ұжымына да ризашылығымызды білдіреміз! Шабыттарыңыз шыңдалып, осындай кештердің саны арта берсін!»,-деді.

Кітапхана директоры Ақмеруерт Абсеметова іс-шараға қатысқан барлық студентті арнайы Алғыс хатпен марапаттады.

Осылайша, көпке рухани демалыс сыйлаған поэзия кеші жоғары деңгейде өтті.