Жаңалықтар

???? ТЕОЛОГИЯ ФАКУЛЬТЕТІНІҢ ОҚЫТУШЫСЫ МАРАПАТТАЛДЫ

Алматы қаласында өткен салтанатты марапаттау рәсімінде еліміздің ғылымы мен жоғары білім беру саласының дамуына айрықша үлес қосқан ғалымдар мен оқытушыларға құрмет көрсетілді.

Қуанышпен хабарлаймыз: марапатталған үздік мамандардың қатарында университетіміздің Теология факультетінің оқытушысы, PhD докторы, доцент м.а. Мұхтар Исаев та бар.

Мұхтар Исаев – діни зерттеулер мен рухани-ағартушылық бағыттағы ғылыми жұмыстарды жүйелі түрде жүргізіп, білім беру үдерісінде жоғары кәсібилік танытып жүрген білікті маман. Оның ғылыми ізденісі, парасаттылығы мен ұстаздық жауапкершілігі студенттер үшін де, әріптестер үшін де өнеге.

✨ Теология факультеті ұжымы атынан құрметті әріптесімізді лайықты марапатымен шын жүректен құттықтаймыз!

Ғылым мен руханият жолындағы еңбегіңіз еселеніп, шығармашылық табыстарыңыз арта берсін!

???? Құттықтаймыз!