Білім беру мақсаттары мен жетістіктері

Кафедраның мақсаты мен міндеттері

Кафедраның мақсаты

Мектепке дейінгі және бастауыш білім беру салаларында еңбек нарығының сұранысына және заманауи білім беру жүйесінің талаптарына сәйкес келетін, кәсіби құзыретті, бәсекеге қабілетті педагог кадрларды даярлау; бакалавриат және магистратура деңгейлерінде сапалы білім беруді қамтамасыз ету, білім алушылардың кәсіби білімі мен практикалық дағдыларын дамыту және педагогикалық даярлықтың сапасын үздіксіз жетілдіру.

Кафедраның негізгі міндеттері

1. Білім беру бағдарламаларын әзірлеу және жетілдіру. Мектепке дейінгі және бастауыш білім беру бағыттары бойынша білім беру бағдарламаларын әзірлеу, олардың мазмұнын жаңарту және еңбек нарығының талаптарына сәйкес жетілдіру.
2. Оқу үдерісін білікті педагог кадрлармен қамтамасыз ету. Оқу үдерісіне кәсіби біліктілігі жоғары, ғылыми-педагогикалық және практикалық тәжірибесі мол оқытушыларды тарту, профессор-оқытушылар құрамының кәсіби дамуына жағдай жасау.
3. Оқыту сапасын арттыру және инновациялық технологияларды енгізу. Білім беру үдерісінде интербелсенді оқыту әдістерін, заманауи педагогикалық және цифрлық технологияларды тиімді қолдану арқылы оқыту сапасын үздіксіз жетілдіру.
4. Оқу-әдістемелік қамтамасыз етуді дамыту. Білім беру бағдарламаларының мазмұнына сәйкес заманауи оқу-әдістемелік материалдарды, цифрлық білім беру ресурстарын және оқыту құралдарын әзірлеу, жаңарту және оқу үдерісіне енгізу.
5. Кәсіби практиканы жетілдіру және тәжірибеге бағдарланған оқытуды дамыту. Білім алушылардың педагогикалық практикасын тиімді ұйымдастыру, дуалды оқыту жүйесін жетілдіру, білім беру ұйымдарымен ынтымақтастықты нығайту және теориялық білімді практикалық қызметпен ұштастыру.
6. Білім алушылардың жеке білім беру траекторияларын дамыту. Бакалавриат және магистратура білім алушыларының кәсіби қызығушылықтары мен жеке білім алу қажеттіліктерін ескере отырып, олардың білім беру траекторияларын қалыптастыруға, ғылыми-зерттеу және кәсіби даму мүмкіндіктерін кеңейтуге жағдай жасау.