Тарих және жалпы ақпарат

«Мектепке дейінгі және бастауышта білім беру» кафедрасының тарихы

Қазақстан Республикасының президенті Н.Назарбаевтың тікелей қолдауымен «Ахмет Ясауи атындағы Түркістан мемлекеттік университетін ашу туралы жарлығымен (Алматы қаласы, 1991 жылғы маусымның 6-сы, №329) университет ашылды. 

1999-2000 оқу жылында «Философия тарихы, педагогика және психология» кафедрасының базасында 5В010200 — «Бастауышта оқыту педагогикасы мен әдістемесі» мамандығы ашылып, алғашқы студенттер қабылданды. Кафедра меңгерушісі философия ғылымдарының докторы, профессор А.Абуов басшылық етті.

2002-2003 оқу жылында «Философия тарихы, педагогика және психология» кафедрасынан педагогикалық мамандықтарға қызмет көрсететін  «Педагогика» кафедрасы болып жеке бөлініп шықты да, 5В010200 — «Бастауышта оқыту педагогикасы мен әдістемесі» мамандағы соның құрамында болды, оны  п.ғ.к., аға оқытушы Қ.Ыбраимжанов басқарды.

2003 оқу жылы «Педагогика» факультеті құрылып, декан болып п.ғ.к., аға оқытушы Қ.Ыбраимжанов тағайындалды.  Оның құрамына келесі кафедралар кірді: «Бастауышта оқытудың педагогикасы» кафедра меңгерушісі п.ғ.к., доцент Б.Құлахмет; «Бастауышта оқытудың әдістемесі» кафедра меңгерушісі п.ғ.д., профессор Е.Омар; «Жалпы педагогика және психология» кафедра меңгерушісі  п.ғ.к., аға оқытушы Ж.Бейсенбеков басқарды. 

Қожа Ахмет Ясауи атындағы ХҚТУ №1 сенат мәжілісінің 2004 жылдың 28-қазан күнгі шешімімен «Жалпы педагогика және психология» кафедрасы «Жалпы психология» және «Жалпы педагогика және этнопедагогика»  кафедрасы болып бөлінді. «Жалпы педагогика және этнопедагогика» кафедрасының меңгерушісі болып п.ғ.к., доцент Б.Ортаев, «Бастауышта оқыту педагогикасы мен әдістемесі» кафедрасының меңгерушісі п.ғ.д., профессор Е.Омар тағайындалды.

«Бастауышта оқыту педагогикасы мен әдістемесі» кафедрасын 2003-2007 оқу жылдарында п.ғ.д., профессор Е.Омар; 2007-2010 оқу жылдарында п.ғ.к., доцент С.Қожагельдиева; 2010-2012 оқу жылдарында п.ғ.к., доцент Б.Ортаев, 2012-2014 оқу жылдарында п.ғ.к., доцент м.а. Г.Тоққұлова басқарды.

2006-2007 оқу жылынан бастап 2009 оқу жылына дейін «Жалпы педагогика және этнопедагогика» кафедрасынан еліміздің көрнекті педагог-ғалымы, п.ғ.д., профессор Л.К.Керімов басқарды.  Сол уақытта осы кафедраның базасында 5В010100 –«Мектепке дейінгі оқыту және тәрбиелеу» мамандығы ашылып, алғашқы студенттер қабылданды.  2009-2010 оқу жылынан бастап кафедраның меңгерушісі қызметіне п.ғ.к., доцент м.а.Г.Кайбульдаева  тағайындалды.

2011-2012 оқу жылында «Жалпы педагогика және этнопедагогика»  кафедрасының меңгерушісі болып п.ғ.к., доцент.м.а А.Рысбекова тағайындалды.

2014-2015 оқу жылынан бастап университетте болған өзгерістерге байланысты Тарих-педагогика факультеті Гуманитарлық ғылымдар факультеті болып қайта құрылды. Бұрынғы Тарих-педагогика факультетінің құрамындағы «Жалпы педагогика және этнопедагогика» кафедрасының құрамынан 6B01202 –«Мектепке дейінгі оқыту және тәрбиелеу», 7M01202 – «Мектепке дейінгі тәрбиелеу және оқыту педагогикасы»   білім беру бағдарламалары және 6B01303 — «Бастауышта оқыту педагогикасы мен әдістемесі»,  7М01303-«Бастауышта оқыту педагогикасы мен әдістемесі» білім беру бағдарламаларын бір кафедраға біріктіріп,  Гуманитарлық ғылымдар факультеті, «Білім технологиялары» кафедрасы болып қайта құрылды.

2014-2023 жылдар аралығанда «Білім технологиялары» кафедрасының меңгерушісі п.ғ.д., профессор Б.Ортаев, PhD, доцент А.А.Куралбаева, п.ғ.к., доцент м.а А.Рысбекова, PhD, доцент м.а. Б.Ауезов, п.ғ.к., доцент А.А.Жумадуллаева атқарды.

         Қазіргі таңда 2024-2025 оқу жылынан бастап кафедра меңгерушісі п.ғ.к., доцент м.а А.Рысбекова. 

Кафедра ұжымы даярлайтын білім беру бағдарламалары бойынша ғылыми-зерттеу жұмыстарын бекітілген тақырыптар бойынша жүзеге асырады. Білім алушылардың кәсіби іс-тәжірибеден өтуі үшін білім беру мекемелерімен келісім шарттар жасалған. Кафедрада 6B01202 – «Мектепке дейінгі оқыту және тәрбиелеу» білім беру бағдарламасы бойынша «Алия» бөбекжай-балабақшасы, «Балдырған» бөбекжай-балабақшасымен, ал «6B01303 - «Бастауышта оқыту педагогикасы мен әдістемесі» білім беру бағдарламасы бойынша №23 ІТ-лицеймен, М.Әбенова атындағы ЖОМ-мен  дуалды оқыту жүйесі  жүзеге асырылады. 

2024-2025 оқу жылынан бастап «Педагогикалық білім беру әлеуетін күшейту» жобасы аясында 6B01222 – «Мектепке дейінгі білім беру (ІР)», 6В01323-«Бастауыш білім беру (ІР)» білім беру бағдарламаларына  білімгерлер қабылданып, жүзеге асырылуда. 

2025-2026 оқу жылында білім беру бағдарламалары бойынша оқу жоспарының жеке пәндер блогы бойынша жұмыспен қамтылған (еңбек келісім-шарттар жасалған). Кафедрада  4 ғылым кандидаты, 5 PhD докторы және тәжірибелі оқытушылар қызмет атқарады.