Іс-шаралар

2026 жылғы 13 қыркүйекте Шымкент қаласында «Shymkent Marathon 2026» халықаралық марафоны өтті. Аталған спорттық іс-шараға 15 елдің 120 қаласынан 7500-ден астам қатысушы жиналды.

Марафонға кафедрамыздың аға оқытушысы Ботаева Қаракөз Махмұтқызы, биология ғылымдарының кандидаты, профессор міндетін атқарушы Пернебекова Рахат Каримбековна және 6-курс интерндерінен құралған еріктілер тобы қатысты. Олар «АрманАлемі» ерекше балаларға көмек көрсету қорымен бірлесе отырып, іс-шараның ұйымдастырылуына және өткізілуіне өз үлестерін қосты.

Марафонға Қазақстанмен қатар Ресей, Өзбекстан, Қырғызстан және басқа да елдердің өкілдері қатысты. Шетелдік жүгірушілердің қатысуы іс-шараның халықаралық деңгейін айқындайды.

«Shymkent Marathon 2026» салауатты өмір салтын насихаттауға, халықаралық ынтымақтастықты дамытуға және ерекше балаларды қолдауға бағытталған маңызды спорттық әрі әлеуметтік іс-шара болды. Кафедра қызметкерлері мен интерндердің аталған марафонға қатысуы олардың қоғамдық белсенділігін арттыруға, еріктілік қызметті дамытуға және қайырымдылық бастамаларын қолдауға ықпал етті.