Акушерлік-гинекология кафедрасы

Ғылым

2023–2026 жылдар аралығында Акушерлік-гинекология кафедрасында ғылыми-зерттеу жұмыстары жүйелі түрде жүргізіліп, профессор-оқытушылар құрамының ғылыми жарияланым белсенділігі артты.Есепті кезеңде кафедра қызметкерлерінің зерттеу нәтижелері отандық және шетелдік ғылыми басылымдарда жарияланды. Атап айтқанда, Journal Citation Reports (JCR) деректері бойынша Q1 және Q2 квартильдеріне кіретін жоғары рейтингілі ғылыми журналдарда 2 мақала, ал Q3 және Q4 квартильдеріндегі ғылыми басылымдарда 5 мақала жарық көрді.Сонымен қатар, Қазақстан Республикасы Білім және ғылым саласындағы сапаны қамтамасыз ету комитеті ұсынған ғылыми басылымдар тізіміне енгізілген отандық журналдарда 6 ғылыми мақала жарияланды. Халықаралық және республикалық ғылыми-практикалық конференциялардың жинақтарында кафедра оқытушыларының 15 ғылыми еңбегі басылып шықты.Кафедраның профессор-оқытушылар құрамындағы 4 оқытушының Хирш индексі (h-index) 1–3 аралығын құрайды. Бұл көрсеткіш кафедра қызметкерлерінің еңбектеріне ғылыми қауымдастық тарапынан қызығушылық бар екенін және жарияланған зерттеулерге дәйексөз келтірілетінін көрсетеді.
№    Ғылыми қызмет көрсеткіші    Саны
1    JCR базасындағы Q1 және Q2 квартильді журналдарда жарияланған мақалалар    2
2    JCR базасындағы Q3 және Q4 квартильді журналдарда жарияланған мақалалар    5
3    ҚР Білім және ғылым саласындағы сапаны қамтамасыз ету комитеті ұсынған басылымдардағы мақалалар    6
4    Халықаралық және республикалық конференция жинақтарындағы ғылыми еңбектер    15
5    Хирш индексі 1–3 аралығындағы оқытушылар    4
    Ғылыми жарияланымдардың жалпы саны    28
Жалпы алғанда, 2023–2026 жылдар аралығында кафедра қызметкерлерінің 28 ғылыми жарияланымы жарық көрді. Кафедрада ғылыми зерттеулердің сапасын арттыруға, жоғары рейтингілі халықаралық журналдардағы мақалалар санын көбейтуге, оқытушылардың жарияланымдық белсенділігі мен Хирш индексін жоғарылатуға ерекше көңіл бөлінуде.Алдағы кезеңде акушерлік және гинекология саласындағы өзекті ғылыми мәселелерді зерттеу, халықаралық ғылыми ынтымақтастықты дамыту, зерттеу нәтижелерін Scopus және Web of Science дерекқорларында индекстелетін жоғары рейтингілі басылымдарда жариялау жұмыстары жалғастырылады.Сонымен қатар кафедрада оқытушылары оқу жылы барысында интерндердің және резиденттердің қатысуымен клиникалық-тәжірибелік конференциялар, дөңгелек үстел, оқытушылар мен бірге ғылыми семинарлар, студенттік ғылыми семинарлар, дебаттар жиі өткізіліп тұрады.