Тарих және жалпы ақпарат
![](/admin/ckeditor_files/files/Medicine_neurology.png)
«Адам морфологиясы және физиологиясы» кафедрасы Түркістан университеті 1991 жылы құрылғанда «Қалыпты және топографиялық анатомия мен опереативтік хирургия» кафедрасы болып ашылған. Кафедраның бірінші меңгерушісі болып м.ғ.к., доцент Б.Ш.Түсіпбекова тағайындалған. Кафедрада оқытушы-профессорлар құрамында м.ғ.к., доцент Э.Р.Сакимбаев, Алматы медицина институтынан келіп профессор А.Р. Рақышев дәріс берген. Кейінгі жылдары кафедра құрамына гистология пәні кірді. 1997-1998 жылында кафедра меңгерушісі болып м.ғ.к., доцент Э.Р. Сакимбаев тағайындалған.
2001-2002 оқу жылында кафедра «Адам морфологиясы» деп аталып, кафедра меңгерушісі м.ғ.к, доцент С.А. Ажаев тағайындалды. 2003-2004 оқу жылында кафедра құрамына жалпы және әлеуметтік гигиена пәндері қосылды. Бұл кезде кафедраны м.ғ.д., профессорБ.К. Керімбеков басқарды. 2004-2005 оқу жылынан бастап кафедра құрамына қалыптыфизиология, медициналық биология және генетика пәндері қосылып, 28.10.2004 ж. Сенат мәжілісінің №1 шешімімен кафедра «Адам анатомиясы және физиологиясы» деп аталды.
Кафедраны білікті профессор-оқытушы құрамы басқарды: м.ғ.к., доцент Қ.М. Хасенова, м.ғ.д., профессор С. Н. Жумашов., м.ғ.к., доцент Б.Қ. Жүнісов,м.ғ.к., доцент.м.а Б.С.Бегалиев, б.ғ.д., профессор м.а. К.К.Байтурсинов, PhD C.А.Туктибаева, м.ғ.к., доцент М.И.Омаралиев.
2022 жылдың 1 қыркүйегінен бастап PhD М.Б. Жунисова кафедра меңгерушісі болып тағайындалды.
Бүгінде кафедрада 1 м.ғ.д., профессор, 2 м.ғ.к., доцент, 3 б.ғ.к., доцент, 2 PhD, 4 аға оқытушы және 5 магистр оқытушы дәріс береді.