Жетістіктер

2024 жылдың қыркүйек айынан бастап Симуляциялық орталықтың материалдық-техникалық базасын жаңғырту және білім беру үдерісін жетілдіру бағытында жүйелі жұмыстар жүргізілуде.

Орталыққа қарасты оқу аудиториялары мен станциялардың инфрақұрылымы жаңартылып, жиһаздар, парталар, қызметкерлерге арналған орындықтар толық ауыстырылды. Сонымен қатар, орталық заманауи моноблоктармен, компьютерлік техникамен, теледидарлармен, LED экрандармен, камералармен, микрофондармен және құлаққаптармен жабдықталды. Білім алушылар мен оқытушыларға арналған виртуалды қабылдау бөлмелері жаңартылып, оқу үдерісінің қолайлылығын арттыру мақсатында 10 кондиционер орнатылды.

Симуляциялық оқытудың халықаралық тәжірибесін енгізу мақсатында академиялық ұтқырлық бағдарламасы аясында Түркия Республикасының Стамбул және Анкара қалаларындағы Acıbadem University, Ankara University және Lokman Hekim University симуляциялық орталықтарында тәжірибе алмасу жұмыстары жүргізілді. Сондай-ақ, Tashkent State Medical University симуляциялық орталығында және Astana Medical University мен Karaganda Medical University базаларында тәжірибе алмасу сапарлары ұйымдастырылды.

2026 жылғы 16–17 сәуір күндері Қарағанды қаласында өткен «Медицинадағы көпсалалы тәсілдер: клиникалық тәжірибе, ғылым және білім берудегі интеграция» атты халықаралық ғылыми-практикалық конгреске және Медицинадағы симуляцияның Еуразиялық қоғамының І съезіне қатысып, «Симуляциялық оқытудың медициналық білім алушылардың академиялық үлгеріміне әсері» тақырыбында баяндама жасалып, арнайы сертификаттармен марапатталды.

Атқарылған нәтижелі жұмыстар үшін орталық басшысы Ербол Нуриллаевич Тулежанов университет ректорының Алғыс хатымен марапатталды.

Қазіргі таңда университет басшылығының қолдауымен Симуляциялық орталықты стационарлық деңгейде кеңейту, ішкі құрылымын жаңғырту, сондай-ақ симуляторлар, муляждар, фантомдар, медициналық құрал-жабдықтар мен шығын материалдарын толық жаңарту бағытындағы жұмыстар ұсынылуда.

Симуляциялық орталық басшысы – Ербол Нуриллаевич Тулежанов