«Объективті құрылымдық клиникалық емтихан» қабылдау

Білім алушылардың білімі, іскерлігі, дағдылары бағдарламаланған озық үлгіде бағаланады. Игерілген дағдыларды бағалау «Объективті құрылымдық клиникалық емтихан» (ОҚКЕ) түрінде өткізіледі. Ол үшін емтихан басталмас бұрын бекеттер медициналық құрал-жабдықтармен қамтамасыз етіледі. Қабылданатын тәжірибелік дағдыларға оқытушылар және топтар электронды түрде тіркеледі. Емтихан қабылдаушылар электронды жүйеге өзінің логин және құпия сөзі арқылы енеді. Емтихан уақытына сәйкес білім алушылар бекеттерге кіріп дағдыларын тапсырады. Білім алушылардың келесі бекеттерге ауысуы қоңырау арқылы басқарылады. Емтихан қабылдаушылар білім алушыны аудио құрылғы арқылы тыңдайды және бір жақты көретін терезе арқрылы іс-әрекетін бақылап, компьютердегі бағалау парағына белгі соғады және сақтайды. Бағаланған нәтижелер офис тіркеушіге тапсырылады.