Қазақ, орыс тілдері

Қазақ, орыс тілдері бөлімі туралы қысқаша ақпарат: 2025-2026 оқу жылында бөлім құрамында 1 доцент,  1 ғылым кандидаты, 9 аға оқытушы, 4 магистр оқытушы, 2 оқытушы және 1 аға лаборант қызмет атқарады. 2018-2019 оқу жылынан бастап Қазақ, орыс тілдері бөлімін п.ғ.к., аға оқытушы А.Мырзаханова басқарып келеді.

Негізгі мақсаты – түркі тілдес мемлекеттер мен туыстас қауымдастықтардан және Түркия Республикасынан келген тыңдаушыларға «қазақ тілін туыс тіл ретінде оқыту» әдістемесі негізінде 3 деңгеймен (А₁, А₂, В₁), Түркия Республикасынан келген тыңдаушылар үшін орыс тілі бойынша үш деңгеймен (А1-А2-В1) оқыту.  Тыңдаушылардың мәдениетаралық-коммуникативтік біліктілігін арттыру, коммуникативті құзіретін қалыптастыруда оқылым, сөйленім, жазылым, тыңдалым түрлерін қалыптастыру.

Оқыту ерекшеліктері:

   – қазақ тілін туыс тіл ретінде оқыту;

   – әр деңгейге (А1–А2-В1) арналған оқу бағдарламалары;

   – қазақ тілін түркі тілді сөйлермендерге оқытып-үйретуге арналған оқу-әдістемелік кешен; 

• заманауи әдістемелер, коммуникативтік тәсілдер, интерактивті оқыту; 

Ұстанымдары мен құндылықтары – ынтымақтастық, тіл арқылы бауырластықты күшейту, мәдени көпір орнату.