Ғылым департаменті

Құрылымдық бөлімдер / Ғылыми бөлімдер / Ғылым департаменті

Ғылыми басылымдар бөлімі

Құрылымдық бөлімдер Ғылыми бөлімдер

Таныстыру

Ғылыми басылымдар бөлімі алғаш 1993 жылы Редакциялық-баспа бөлімі болып ашылды. Бөлімнің басты мақсаты университет оқытушы-профессорларының ғылыми еңбектерін (оқулық, оқу-әдістемелік құрал, монография), ғылыми-теориялық конференциялардың жинақтарын жарыққа шығару болатын.

Бөлім қызметкерлері 1995 жылы «Ясауи университеті» газетінің алғашқы сандарын жарыққа шығарса, ал 1996 жылдың желтоқсан айынан бастап «Ясауи университетінің Хабаршысы» ғылыми журналы үздіксіз жарияланып келеді. Журнал әр жылдарда әр түрлі бағыт бойынша ҚР ҒЖБМ ҒЖБССҚК-нің тізбесіне енгізілді.
2003 жылдың қараша айында университетте жаңа баспахананың құрал-жабдықтары іске қосылып, бөлім Баспа редакциясы болып қайта құрылды. Сол жылдардан бастап оқу орнының оқытушы-профессорларының ғылыми еңбектері, ғылыми-теориялық конференция материалдары, сутденттер мен магистранттардың жыл сайынғы дәстүрлі «Жас ғалым» жинағы және басқа да кітаптарды өндіріске жіберу Баспа редакциясының негізгі жұмысы болып табылды.

Университет Сенатының шешімімен көбейтілетін басылымдарды, университеттің стратегиялық жоспарын жүзеге асыру, сондай-ақ университет ғылымын дамыту мақсатында оқу процесіне аса қажетті деп танылған басылымдарды яғни, арнайы комиссияның іріктеуінен өткен университет оқытушы-профессорлар құрамының монографиясын, оқу құралдарын, оқу-әдістемелік құралдарын және басқа да кітаптарды редакциялық өңдеуден өткізіп, университеттің «Тұран» баспаханасына көбейтуге жіберіп отырады.

Университеттің құрылымдық өзгерістеріне байланысты бөлім атауы бірнеше рет өзгертілді: «Баспа редакциясы», «ХҚТУ хабаршысы» журналы редакциясы, «Ғылыми басылымдар офисі».

2020 жылдан бастап «Ғылыми басылымдар бөлімі» болып аталды. Ғылыми басылымдар бөлімінің негізгі мақсатының бірі университетте шығатын ғылыми басылымдардың жұмысына жалпылама бағыт беріп, оның ҚР ҒЖБМ ҒЖБССҚК-нің соңғы талаптарына сәйкес ұйымдастырылуын қадағалау болып табылады.
Ғылыми басылымдар бөлімінің басшысы – Садыкова А.Д., редактор-менеджер – Ахметова Ж.А., редактор-менеджер – Тоқтасын А., техникалық редактор – Әбілдаева Г.Е, техникалық редактор – Жұмаділлаева Г.

Міндеттеріміз

Университеттен шығарылатын ғылыми басылымдардың («Ясауи университетінің Хабаршысы», «Қ.А.Ясауи атындағы Халықаралық қазақ-түрік университетінің Хабарлары» (математика, физика, информатика сериясы), «Түркология» журналы, «Eurasian Research Journal» журналы және «Жас ғалым» студенттер мен магистранттар конференциясы жинағы және т.б.) ҚР ҒЖБМ Ғылым және жоғары білім саласында сапаны қамтамасыз ету комитетінің талаптарына және «Қожа Ахмет Ясауи атындағы Халықаралық қазақ-түрік университетінде басылымдар қолжазбасын рәсімдеу Ережесіне» сәйкестігін қамтамасыз ету және халықаралық стандарттар мен халықаралық ғылымометриялық деректер базасының талаптарына сәйкес ғылыми басылымдардың сапасын арттыру.

Университет Сенатының шешімімен университет баспаханасынан шығатын басылымдарды (оқулық, оқу құралы, оқу-әдістемелік құрал, монография, «Жас ғалым» конференция жинағы, т.б.) сапалы шығуын қамтамасыз ету.

Қызметтеріміз

Университеттен шығарылатын ғылыми басылымдардың («Ясауи университетінің Хабаршысы», «Қ.А.Ясауи атындағы Халықаралық қазақ-түрік университетінің Хабарлары», «Түркология» журналы, «Eurasian Research Journal» журналы және «Жас ғалым» студенттер мен магистранттар конференциясы жинағы және т.б.), университетте ОПҚ мен қызметкерлерінің оқу басылымдарының сапасын арттыруға құзыретті.

Ғылыми басылымдар бөлімінің негізгі міндеттері:

Университетте жарық көретін барлық ғылыми журналдарды шығару бойынша жұмысты үйлестіреді (редакциялық алқаны ұйымдастыру жұмыстары, журналдарға жоғары сілтемелі авторларды тарту жұмыстарына атсалысу, мақалаларды қабылдау, техникалық талаптарға сәйкестігін тексеру, келіп түскен мақалаларды ғылыми редакторға жіберу, рецензенттердің шешімін алу, рецензент және авторлармен жұмыс жүргізу, журнал сайттарын жүргізу, DOI (Digital Object Identifier) беру);
Университет ғылыми журналдары редакцияларының қызметін бақылау, сондай-ақ монографиялардың, оқу басылымдардың қызметіне мониторинг жүргізу;
Университеттің ғылыми басылымдарын дамыту, жетілдіру және ілгерілету бағыттары бойынша Clarivate Analytics, Springer, Scopus және т. б. компанияларының семинарларын ұйымдастыру;
Бөлімнің іс қағаздарын жүргізу (журналдың редколлегиясының бекітілген құрамы, редакциялық алқа отырыстарының хаттамалары, бұйрықтар шығару және т.б.);
Журналдың жарыққа шыққан сандарының электронды нұсқасын 3 форматта (*.doc, *.pdf*, *.xls) электронды пошта арқылы «Ұлттық мемлекеттік ғылыми-техникалық сараптама орталығы» АҚ-на («ҰМҒТСО» АҚ) тұрақты түрде жіберіп отыруын қадағалау;
Университет ғылыми журналдарының техникалық базасының: электрондық редакцияның, журнал сайттарының үздіксіз жұмысын бақылау және осы сервистерді жаңартып отыруды жүзеге асыру;
Университет ғылыми журналдары мен құрылымдық бөлімшелерінің: Баспахана, кітапхана және т. б. өзара әрекеттестігін қамтамасыз ету;
Университет ғылыми журналдарының редакция мүшелерімен бірге журналдарды шығару және халықаралық ақпараттық ресурстарға енгізу;
Ғылыми журналдардың редакция мүшелерімен бірге университеттің ғылыми журналдарын халықаралық стандарттарға сәйкес әзірлеу;
Ғылымның перспективті бағыттары бойынша университеттің жаңа ғылыми басылымдарын ашу бойынша жұмыстар жүргізу;
Университет журналдарының тұрақты жарыққа шығуын қамтамасыз ету;
Қолжазбалардың стилистикалық, грамматикалық және техникалық қателерін тексеруден өткізу;
«Антиплагиат», «StrikePlagiarism» бағдарламалары арқылы тексеріліп, «жасырын» рецензиялаудан оң баға алған және редакция алқасынан іріктелген ғылыми мақалаларды қалыпқа салып, баспаханаға көбейтуге өткізу;
Мақалаларды рецензиялау сапасын арттыру үшін «жасырын» рецензиялау жұмысын дамыту. Авторлармен (ғалымдармен) және «жасырын» рецензенттермен тұрақты байланыс жасау және олардың базасын қалыптастыру;
Университет оқытушылары мен қызметкерлерінің ғылыми-баспа және жариялау қызметіне әдістемелік көмек беру;
Бөлім қызметінің бейіні бойынша әдістемелік семинарлар мен тренингтер өткізу.
Университеттің Ғылыми басылымдар бөлімі арқылы жарыққа шығатын баспа өнімдерінің басқа тиісті мекемелерге, оның ішінде міндетті түрде Кітап палатасы, Ұлттық кітапхана, т.б. таратылуын қамтамасыз ету;
Бөлім қызметкерлері арасында сыбайлас жемқорлыққа қарсы мәдениетті қалыптастыру бойынша тұрақты жұмыс жүргізу.
Университет ғылыми басылымдарының сайт жұмыстарын тұрақты жүргізу: редакторлардың, авторлардың және рецензенттердің өзара іс-қимыл процестерін үйлестіру;
Ғылыми басылымдар сайтының құрылымы мен мазмұнын заманға сай дамыту және жаңарту.
Электронды басылым қағидасы бойынша университет ғылыми басылымдарының мұрағатын толықтырып отыру.