Ғылымды дамыту жөніндегі жобалық кеңсе бөлімі

Біздің қызметтеріміз

Ғылымды дамыту жөніндегі жобалық кеңсе – университеттің ғылыми-инновациялық әлеуетін арттыруға бағытталған кешенді жобалық басқару орталығы.

Біздің қызметтер ғылыми жобаларды толық цикл бойынша сүйемелдеуді, зерттеулерді үйлестіруді және нәтижелерді тиімді басқаруды қамтиды.

Біздің негізгі қызметтеріміз:

Жобалық басқару және үйлестіру

• Университеттің барлық ғылыми жобалары бойынша жоспарлау, орындау және мониторинг жүргізу;
• Нәтижеге бағытталған іс-шаралар жоспарын (action plan) әзірлеу және іске асыру;
• Ғылыми жобалардың тиімділігін арттыруға арналған әдістемелік қолдау көрсету.

Жобалық идеяларды дамыту және гранттық өтінімдерге қолдау көрсету

• Жаңа ғылыми идеялар мен бастамаларды қолдау;
• Ұлттық және халықаралық гранттық байқауларға қатысуға арналған өтінімдерді дайындау;
• Зерттеу тобына кеңес беру және құжаттамалық сүйемелдеу.

Ғылыми-инновациялық инфрақұрылымды дамыту

• Зертханаларды құру, жаңарту және e-labs жүйесіне енгізу;
• Зерттеу жабдықтарын тиімді пайдалану мен ғылыми инфрақұрылымның ашықтығын қамтамасыз ету.

Ғылым мен білімді интеграциялау

• Студенттер мен магистранттарды ғылыми жобаларға тарту (research-based learning);
• Ғылыми нәтижелерді оқу үдерісіне енгізу;
• Академиялық және ғылыми байланыстарды нығайту.

Ғылыми мәліметтер базасын қалыптастыру және цифрландыру

• Ғылыми жобалар, зерттеушілер мен нәтижелер бойынша деректер базасын құру;
• Ғылыми есептілікті автоматтандыру және дерекке негізделген шешім қабылдау жүйесін енгізу.

Халықаралық және ұлттық деңгейдегі ғылыми көрсеткіштерді арттыру

• Ғалымдардың жарияланым белсенділігін көтеру;
• Университеттің ғылыми-инновациялық беделін арттыру;
• Халықаралық ғылыми рейтингтер мен бағалау жүйелерінде позициясын нығайту.

Әдістемелік және ұйымдастырушылық қолдау

• Ғылыми іс-шараларды (форум, конференция, семинар) ұйымдастыру;
• Ғалымдарға, жас зерттеушілерге және докторанттарға кеңес беру және сүйемелдеу;
• Ғылыми басқарудағы сапа мәдениетін дамыту.

Ғылымды дамыту жөніндегі жобалық кеңсенің негізгі міндеттері:

• Университеттің ғылыми қызметін заманауи жобалық басқару тәсілдері арқылы үйлестіру және тиімділігін арттыру;
• Стратегиялық мақсаттар мен индикаторларға негізделген мониторинг пен талдау жүргізу, нәтижеге бағытталған іс-шаралар жоспарын әзірлеу;
• Ғылыми жобалар бастамасын қолдау (идея генерациясы, байқауларға қатысуға дайындық), жобалық өтінімдерді дайындауға әдістемелік және әкімшілік қолдау көрсету;
• Ғылыми жобаларды іске асыру кезінде жоспарлау, орындау, бюджетті бақылау және мерзімді есептілік пен нәтижелерге мониторинг жүргізу;
• Университеттің ғылыми-зерттеу қызметі үшін зертханаларды құру, жаңарту және тиімді пайдалану үдерістерін ұйымдастыру;
• Зертханаларды e-labs жүйесіне енгізу және ғылыми инфрақұрылымның ашық әрі тиімді жұмысын қамтамасыз ету;
• Ғылыми қызметті білім беру үдерісімен интеграциялау, студенттер мен магистранттарды ғылыми жобаларға тарту (research-based learning);
• Ғылыми нәтижелерді оқу бағдарламалары мен пәндер мазмұнында пайдалану арқылы білім мен ғылымның сабақтастығын арттыру;
• Ғылымды басқаруда цифрландыруды енгізу, деректерге негізделген шешім қабылдау және аналитикалық құралдарды пайдалану;
• Университеттің ғылыми жобалары, зерттеушілері мен нәтижелері туралы бірыңғай деректер базасын қалыптастыру;
• Ғылыми қызметкерлерге жобаларды жоспарлау, қаржыландыру көздерін іздеу, жарияланым белсенділігін арттыру және зертханалық жабдықтарды жетілдіру бағытында кәсіби қолдау көрсету;
• Университеттің ғылыми-инновациялық көрсеткіштерін арттыру және ұлттық, халықаралық деңгейде бәсекеге қабілеттілігін нығайту;
• Ғылым және стратегиялық даму вице-ректоры мен Ғылым департаментінің тапсырмалары мен жобаларының орындалуын қамтамасыз ету.

Миссия

Біздің миссиямыз – Қожа Ахмет Ясауи атындағы Халықаралық қазақ-түрік университетінің ғылыми әлеуетін арттыру, заманауи жобалық басқару жүйесін енгізу арқылы ғылыми-инновациялық дамуды үйлестіру және нәтижеге бағытталған тиімді басқару мәдениетін қалыптастыру.

Біз университеттің ғылым саласындағы стратегиялық мақсаттарына қол жеткізу үшін зерттеушілерге жан-жақты қолдау көрсетеміз, ғылыми жобалардың сапасы мен нәтижелілігін арттыруға, халықаралық бәсекеге қабілетті ғылыми орта қалыптастыруға атсалысамыз.