Хабарландырулар

shape
shape
Хабарландырулар
Blog Image

“AI Skills Program” бағдарламасы бойынша топтық практикалық оқыту курстары басталды.

Қожа Ахмет Ясауи атындағы Халықаралық қазақ-түрік университетінде Цифрлық офицердің бастамасымен жасанды интеллект құралдарын тиімді әрі дұрыс пайдалануға бағытталған AI Skills Program практикалық білім беру бағдарламасы іске қосылды.

 Елімізде Мемлекет басшысы жариялаған 2026 жыл – Цифрландыру және жасанды интеллект жылы аясында университетте “AI Skills Program” бағдарламасы бойынша топтық практикалық оқыту курстары басталды.

 Аталған бағдарлама университеттің Цифрлық офицері Абылайхан Тастанбековтің бастамасымен және Коммерцияландыру офисінің үйлестіруімен жүзеге асырылуда.

Бағдарламаның негізгі мақсаты – ОПҚ және әкімшілік қызметкерлердің жасанды интеллект құралдарын білім беру үдерісінде, ғылыми-зерттеу қызметінде және басқару саласында тиімді қолдану дағдыларын қалыптастыру.

Осы бағдарлама аясында бүгін оқытушы-профессорлар құрамына арналған алғашқы практикалық оқыту курсы өткізілетін болады.

 Бағдарлама шеңберінде қатысушыларға арналған практикалық курстар ұйымдастырылып, заманауи AI шешімдерін қолданудың озық тәсілдері ұсынылады. Коммерцияландыру офисі жобаны іске асыру барысында әдістемелік және ұйымдастырушылық қолдау көрсетіп, университеттің цифрлық трансформация үдерісіне белсенді үлес қосуда.

 Алдағы уақытта “AI Skills Program” бағдарламасы жоспардағы кестеге сәйкес жалғасатын болады.