Іс-шаралар

Маңғыстау облысы бойынша Экономикалық тергеп-тексеру департаментімен AI бағытында бірлескен кездесу өтті.

 Ақтау қаласында жасанды интеллект құралдарын кәсіби қызметте тиімді қолдану және заманауи цифрлық шешімдерді жұмыс үдерісіне енгізу бағытында тәжірибе алмасу кездесуі өтті.

 Коммерцияландыру офисінің сектор үйлестірушісі Абылайхан Тастанбеков Экономикалық тергеп-тексеру департаментінің қызметкерлеріне жасанды интеллект құралдарын кәсіби қызметте тиімді пайдалану бойынша практикалық оқу өткізді.

 Оқу барысында AI арқылы жұмыс үдерістерін оңтайландыру, ақпаратты талдау және уақытты тиімді пайдалану мүмкіндіктері көрсетілді.

 Кездесу барысында тараптар өзара пікір алмасып, тәжірибе бөлісу, бірлескен brainstorming сессияларын өткізу және алдағы уақытта ортақ жобаларды жүзеге асыру бағыттарын талқылады.