Құрылымдық бөлімдер
Құрылымдық бөлімдер
Кентау институты 1993 жылы құрамында Медицина және Экология факультеті бар Кентау бөлімшесі болып ашылды.1994 жылы Кентау бөліміне Өнер факультеті қосылды. Бөлімшенің алғашқы вице-президенті – м.ғ.д, профессор М.Рысұлы. Одан кейін бұл қызметті м.ғ.д., профессор, академик А.Рақышов, х.ғ.д., профессор А.Баешов, м.ғ.к. доцент Ы.Молдалиев атқарды. 2003-2008 жылдар аралығында педагогика ғылымдарының докторы профессор Ж.К.Оналбек, 2008-2013 жылдар аралығында педагогика ғылымдарының докторы, профессор Б.Қ. Мухамеджанов, 2013-2018 жылдар аралығында педагогика ғылымдарының докторы, профессор К.М.Беркимбаев, 2018-2021 жылдар аралығында педагогика ғылымдарының кандидаты, доцент Үсенбек Рахмет, 2021 жылдан бастап педагогика ғылымдарының докторы, профессор К.М. Беркимбаев Кентау кампусының директоры қызметін атқарып келеді.
Кентау кампусының құрамында жалпы 60 қызметкер жұмыс жасайды. Әкімшілік құрамында Ақпараттық технология (ақпараттық ресурстық) бөлімінің қызметкерлері: басшысы -1, инженер бағдарламашы -1, кітапхана қызметкерлері -4, Тәрбие қызметкері -2, Бухгалтерия қызметкері -2, Шаруашылық қызметінде: жетекші инженер -1, инженер-энергетик -1 және 47 көмекші қызмет көрсетушілері бар.
Кентау кампусында Инженерия факультеті және Дайындық орталығы білім алушылары дәріс алады. Кампустың материалдық-техникалық базасы, мамандар әлеуеті мемлекеттік жалпыға міндетті білім беру стандартының талаптарына сай, білім алушыларға толық жағдайлар жасалынған. Білім алушыларға арналған 3 оқу ғимараты мен 400 орындық Жатақхана, спорт және тренажер залдары, жиналыстар мен әртүрлі іс-шаралар өткізуге арналған музыкалық аспаптары және LED экранмен жарақталған Акт залы, интернет жүйесіне қосылған компьютерлік сыныптар, арнайы зертханалар, оқу үдерісін жүргізуге арналған заманауи электронды оқулықтар, барлық оқу аудиториялары мультимедиялық құрылғылары (проектор-маркерлік тақталар), интерактивті тақталары бар 50 оқу дәрісхана жұмыс жасайды. Факультетте студенттер мен тыңдаушыларға арналған медициналық қызмет көрсету орны, кітапхана, асханалар қызмет көрсетеді. Барлық ғимараттар жоғары жылдамдықтағы Интернет және Wi-Fi желілермен қамтамасыз етілген. Кітапхана қорында 45 мыңға жуық кітап жинақталған. Кітап қорының молаюы студенттер мен тыңдаушылардың білім алуына мол мүмкіндік береді.
Сонымен қатар, барлық ғимараттарда қауіпсіздікті қамтамасыз етуге орталықтандырылған бейнебақылау камералары және кіріп-шығуды бақылауға арналған турникет құрылғыларымен қамтамасыз етілген.
- университеттің Инженерия факультеті мен жоғары оқу орнына дейінгі (Дайындық орталығы) білім алушылардың оқу үдерісін талапқа сай жүргізуді ұйымдастырады;
- оқу және жатақхана ғимараттарын дұрыс пайдалану жұмыстарын ұйымдастырады, қадағалайды;
- күрделі және қайта жөндеу, құрылыс жұмыстарын жүргізуге ректоратқа ұсыныс береді;
- ғимараттардағы құнды материалдық заттардың сақталуын қамтамасыз етеді;
- ғимараттардағы құрал-жабдықтардың техникалық жағдайларын қадағалайды;
- ғимараттардағы жарық, жылы су жүйелерін, лас құбырларының, желдеткіш жабдықтарын үнемді және қауіпсіз пайдалану жұмыстарын қамтамасыз етуді қадағалайды;
- оқу үдерісінде техникалық базалардың жаңа түрлерін кеңінен пайдалану және модернизациялау, жаңа технологияларды енгізу жұмыстарын дамыту бойынша ректоратқа ұсыныс береді;
- пәндер бойынша сынақтар, емтихандар, аттестациялар, мемлекеттік емтихандар және түрлі жиналыстар мен іс-шараларды ұйымдастыруда техникалық құрылғылардың жүйелі түрде жұмыс істеуін (интернет байланысы, компьютерлер, сынақ бағдарламасы, бейнебақылау камераларының, электрэнергиясының және музыкалық, дыбыстық аппараттардың жүйелі түрдегі жұмысын) қамтамасыз етеді;
- білім алушылардың денсаулығын сақтауға жағдай жасауды (медициналық пункттер) қамтамасыз етуді қадағалайды;
- тәрбие жұмыстарының барысын қадағалайды;
- кітапхананың сапалы қызмет көрсетуін ұйымдастырады;
- кітапхана қорын заманауи кітаптармен толықтыруға ұсыныс береді;
- ғимараттарда антитеррорлық шараларға байланысты бейнебақылау камералары, кіріп-шығуды бақылау (турникет) және дыбыстық құрылғылардың дұрыс жұмыс істеуін қамтамасыз етуді қадағалайды.
- еңбек және техника қауіпсіздігі, өрт қауіпсіздігі, санитарлық-тазалық іс-шараларының сақталуын қадағалайды;
.jpeg)
.jpeg){kind=link}
