Жетістіктер

Халықаралық ғылыми ынтымақтастық

2026 жылғы 9–12 қыркүйек аралығында факультет деканы, доцент Э.У. Зулпыхарова Әзербайжан Республикасының Баку қаласында өткен «Алтайтанудың өткені, бүгіні және болашағы» тақырыбындағы Алтай қауымдастықтарының XIV халықаралық симпозиумына қатысып, ғылыми баяндама жасады. 15 елден 110 ғалым қатысқан халықаралық ғылыми жиында алтайтану, түркология, түркі халықтарының тарихы мен мәдениетіне қатысты өзекті мәселелер талқыланды. Белсенді қатысқаны үшін Э.У. Зулпыхарова сертификатпен марапатталды.

Жоба жетекшісі, т.ғ.д., профессор М.Б. Қожа, PhD, доцент Б.С. Сиздиков және магистр-оқытушы Ш. Алмазұлы Ұлыбританияның Кембридж қаласында ғылыми-зерттеу жұмыстарын жүргізіп, Кембридж университеті мен Британ музейі кітапханаларының қорларындағы Қазақстан және Орталық Азиядағы ислам тарихына қатысты жазба деректер мен қолжазбаларды зерделеді.

2026 жылғы 29 қыркүйекте ғалымдар Кембридж университетінің King’s College базасында өткен «Archaeological Approaches to Urbanism and Urban Sustainability in Medieval Central Asia» халықаралық ғылыми конференциясына қатысып, Отырар, Келес аңғары және Күлтөбе қалашығына қатысты зерттеу нәтижелері бойынша ғылыми баяндамалар жасады.

Ғылыми және оқу-әдістемелік еңбектер

2026 жылғы 24 қыркүйекте PhD Райгүл Хазретәліқызының «Қазақстанның қазіргі заман тарихын оқытуда шетелдік архив деректерін пайдалану» атты оқу құралының тұсаукесері өтті.

2026 жылғы 8 қазанда «Түркі дүниесі: тарихи-мәдени ықпалдастық және ынтымақтастық» тақырыбында ғылыми еңбектердің тұсаукесері ұйымдастырылып, Тарих кафедрасының профессор м.а. Қ. Базарбаевтың қатысуымен дайындалған монография, оқу құралы және хрестоматия білім алушыларға таныстырылды.

Академиялық ұтқырлық

PhD, доцент Б.С. Сиздиков «Орхун» академиялық ұтқырлық бағдарламасы аясында 2026 жылғы 5–12 қазан аралығында Түркия Республикасының Анкара қаласындағы Гази университетінде тәжірибе алмасып, ғылыми және академиялық ынтымақтастықты дамыту бағытында жұмыстар жүргізді.

2025 жылы т.ғ.к., доцент З. Адильбекова және Г.О. Нурбетова Түркия Республикасының Акдениз университетінде академиялық тәжірибе алмасудан өтті.

Оқытушылардың жетістіктері

2025 жылы А.Н. Джумадуллаева, М. Жолсейтова және Э.Ө. Зұлпыхарова ҚР Ғылым және жоғары білім министрлігінің Алғыс хаттарымен марапатталды.

А.Н. Джумадуллаева Түркістан облысы қоғамдық даму басқармасының «Қоғамдық келісім» КММ басшылығының, ал А.Н. Джумадуллаева мен Г.Т. Жораева «AMANAT» партиясы Түркістан облыстық филиалы төрағасының Алғыс хаттарына ие болды.

2025 жылы т.ғ.к., доцент Г.О. Нурбетова Қожа Ахмет Ясауи атындағы Халықаралық қазақ-түрік университеті ректорының Алғыс хатымен марапатталды.

2026 жылы т.ғ.к., доцент Г.Т. Жораева Халықаралық әйелдер күніне орай ғылым саласына қосқан үлесі үшін Түркістан қаласы әкімінің марапатына ие болды.

Білім алушылардың жетістіктері

2026 жылғы наурызда PhD, аға оқытушы М. Салғараевтың ғылыми жетекшілігімен ГТА-412 тобының студенті Асел Құлахмедова Орта Азия көлемінде «Үздік студент» номинациясымен марапатталды.

2026 жылы т.ғ.к., доцент Г.Т. Жораеваның ғылыми жетекшілігімен ГТХ-511 тобының студенті Жаннұр Бейсенбай «ТМД-ның үздік студенті» халықаралық байқауының жеңімпазы атанып, І дәрежелі дипломмен марапатталды.

Осы жетістіктер Тарих кафедрасында ғылыми-зерттеу жұмыстары, халықаралық ынтымақтастық, академиялық ұтқырлық, оқу-әдістемелік қызмет және білім алушылардың ғылыми әлеуетін дамыту бағыттарының жүйелі жүзеге асырылып келе жатқанын көрсетеді.

Мектепке дейінгі және бастауышта білім беру кафедрасының жетістіктері

Мектепке дейінгі және бастауышта білім беру кафедрасы білім беру сапасын арттыру, білім беру бағдарламаларын жетілдіру, академиялық ұтқырлықты дамыту, профессор-оқытушылар құрамының кәсіби біліктілігін арттыру және білім алушылардың ғылыми-шығармашылық әлеуетін қолдау бағытында жүйелі жұмыстар жүргізіп келеді.

Білім беру бағдарламаларын аккредиттеу

2025 жылы кафедраның 7M01202 – Мектепке дейінгі тәрбиелеу және оқыту педагогикасы және 7М01303 – Бастауышта оқыту педагогикасы мен әдістемесі білім беру бағдарламалары аккредиттеуден сәтті өтті. Бұл кафедрада білім беру сапасын қамтамасыз ету және білім беру бағдарламаларын заманауи талаптарға сәйкес жетілдіру жұмыстарының нәтижесін көрсетеді.

Академиялық ұтқырлық

Кафедрада профессор-оқытушылар құрамының ішкі және сыртқы академиялық ұтқырлығы тұрақты жүзеге асырылуда. Академиялық ұтқырлық оқытушылардың кәсіби тәжірибе жинақтауына, озық әдістемелермен танысуына, әріптестерімен тәжірибе алмасуына және отандық, шетелдік жоғары оқу орындарымен ынтымақтастықты нығайтуға мүмкіндік береді.

П.ғ.к., доцент м.а. А.Қ. Рысбекова 2025 жылғы 1–14 сәуір аралығында Өзбекстандағы Халықаралық Ислам академиясында, сондай-ақ 13–27 қазан аралығында Низами университеті мен Самарқанд мемлекеттік медициналық университетінде дәріс оқыды.

PhD, аға оқытушы Г.Т. Абдуллина 2024 жылғы 4 қараша – 6 желтоқсан аралығында І. Жансүгіров атындағы Жетісу университетінде академиялық ұтқырлық аясында дәріс оқыды.

PhD, аға оқытушы Б.Н. Ауезов 2020 жылғы 28 қыркүйек – 28 қазан аралығында Қырғыз Республикасындағы И. Арабаев атындағы Қырғыз мемлекеттік университетінде тағылымдамадан өтті.

Профессор-оқытушылар құрамының жетістіктері

П.ғ.к., доцент м.а. Г.Т. Токкулова ел бірлігін нығайтуға, қоғамдық татулық пен келісімді сақтауға және рухани мәдениетті дамытуға қосқан үлесі үшін 2025 жылы Қазақстан халқы Ассамблеясының қоғамдық «Бірлік» алтын медалімен марапатталды. Сондай-ақ 2025 жылы «Қазақстан халқы Ассамблеясына – 30 жыл» мерекелік медаліне, ал 2024 жылы «Түркістан қаласына сіңірген еңбегі үшін» медаліне ие болды.

П.ғ.к., доцент м.а. А.Қ. Рысбекова 2022 жылы Түркістан қаласы әкімінің Алғыс хатымен, ал 2025 жылы Қазақстан Республикасының білім және ғылым саласын дамытуға қосқан елеулі үлесі, абыройлы еңбегі мен адал қызметі үшін ҚР Ғылым және жоғары білім министрлігінің Алғыс хатымен марапатталды.

Білім алушылардың жетістіктері

П.ғ.к., доцент м.а. А.Қ. Рысбекованың жетекшілігімен 2024 жылы Әл-Фараби атындағы Қазақ ұлттық университетінде өткен республикалық пәндік олимпиадада үш білім алушы III орынға ие болды.

PhD, аға оқытушы Г.Т. Абдуллинаның жетекшілігімен 2022 жылы І. Жансүгіров атындағы Жетісу университетінде өткен республикалық пәндік олимпиадада үш білім алушы III орынға ие болды.

Кафедраның білім беру бағдарламаларын аккредиттеу, академиялық ұтқырлықты дамыту, профессор-оқытушылардың кәсіби жетістіктері және білім алушылардың республикалық деңгейдегі нәтижелері Мектепке дейінгі және бастауышта білім беру кафедрасының білім беру мен ғылыми-әдістемелік бағыттағы тұрақты дамуын көрсетеді.

Педагогика және психология кафедрасының жетістіктері

Педагогика және психология кафедрасы білім беру, ғылым, халықаралық ынтымақтастық және академиялық ұтқырлық бағыттарында жүйелі жұмыстар атқарып келеді. Кафедраның профессор-оқытушылар құрамы білім алушылардың кәсіби құзыреттілігін қалыптастыруға, ғылыми-зерттеу жұмыстарын дамытуға және білім беру сапасын арттыруға белсенді үлес қосуда.

Білім беру бағдарламалары бойынша жетістіктері:

2025 жылы кафедраның 6В01121 – Психология (IP), 6В01101 – Педагогика және психология, 7М01101 – Педагогика және психология, 8D01101 – Педагогика және психология білім беру бағдарламалары сәтті аккредиттеуден өтті.

Білім беру бағдарламаларының мазмұны еңбек нарығының қазіргі талаптарына, білім беру саласындағы заманауи үрдістерге және кәсіби стандарттарға сәйкес жетілдіріліп келеді.

Кафедрада білім алушылардың ғылыми-зерттеу, шығармашылық және кәсіби әлеуетін дамытуға бағытталған оқу-әдістемелік және ғылыми жұмыстар тұрақты түрде ұйымдастырылады.

Профессор-оқытушылар құрамы ішкі және сыртқы академиялық ұтқырлық бағдарламаларына белсенді қатысады. Академиялық ұтқырлық барысында оқытушылар кәсіби тәжірибе жинақтап, озық педагогикалық тәжірибелерімен алмасып, халықаралық және отандық әріптестік байланыстарын кеңейтуде.

Кафедра оқытушылары білім алушыларды республикалық және халықаралық ғылыми-пәндік олимпиадаларға, ғылыми жобаларға, конференцияларға және түрлі байқауларға дайындауға белсенді қатысады.

Білім алушылардың жетістіктері:

• П.ғ.к., доцент м.а. А.Қ. Рысбекованың жетекшілігімен білім алушылар республикалық пәндік олимпиадаларға қатысып, жоғары нәтижелерге қол жеткізді. 2024 жылы 3 білім алушы жүлделі ІІІ орынға ие болды.
• Білім алушылар ғылыми конференцияларға, дөңгелек үстелдерге, пәндік олимпиадаларға, пікірсайыстарға және ғылыми-зерттеу жобаларына белсенді қатысып, кәсіби және зерттеушілік құзыреттерін жетілдіруде.
• Кафедрада студенттер мен магистранттардың ғылыми-зерттеу жұмыстарын қолдау мақсатында ғылыми семинарлар, ашық дәрістер, шеберлік сабақтары және ғылыми-практикалық іс-шаралар ұйымдастырылады.

Оқытушылардың кәсіби жетістіктері:

• PhD, доцент м.а. А.Б. Тасова 2025 жылы Қазақстан Республикасының білім және ғылым саласын дамытуға қосқан елеулі үлесі, абыройлы еңбегі мен адал қызметі үшін ҚР Ғылым және жоғары білім министрлігінің Алғыс хатымен марапатталды.
• PhD, доцент А.А. Куралбаева 2025 жылы Қазақстан Республикасының білім және ғылым саласын дамытуға қосқан елеулі үлесі, абыройлы еңбегі мен адал қызметі үшін ҚР Ғылым және жоғары білім министрлігінің Алғыс хатымен марапатталды.
• Кафедраның профессор-оқытушылар құрамы ғылыми мақалалар, оқу-әдістемелік еңбектер, оқу құралдары мен ғылыми-зерттеу жұмыстарының нәтижелерін жариялап, педагогика және психология саласының дамуына үлес қосып келеді.

Ғылыми-зерттеу жобалары

Кафедра профессор-оқытушылары Қазақстан Республикасының Ғылым және жоғары білім министрлігі Ғылым комитетінің гранттық қаржыландыруы аясындағы ғылыми жобаларға белсенді қатысады.

• Торыбаева Ж.З. – жоба жетекшісі. «Жаңа Қазақстан жастарын салауатты өмір салтына бейімдейтін қауіпсіз білім беру ортасын қамтамасыз етуге волонтерлік іс-әрекетті ұйымдастыру» жобасы бойынша ғылыми-зерттеу жұмыстары жүргізілді. Жобаның гранттық қаржыландыру көлемі – 54 342 470,50 теңге.
• Куралбаева А.К. – жоба жетекшісі. ҚР Ғылым және жоғары білім министрлігі Ғылым комитетінің 2024–2026 жылдарға арналған ғылыми және ғылыми-техникалық жобаларды гранттық қаржыландыру конкурсы аясында AP23488203 «Мектеп жасына дейінгі балалардың даму мониторингі және оларға скрининг жасаудың Қазақстандық стандарты» тақырыбындағы ғылыми-зерттеу жобасын жеңіп алып, қазіргі уақытта аталған жоба бойынша ғылыми жұмыстар жүргізуде.
• Ғылыми жобалар нәтижелері мектепке дейінгі және жоғары білім беру жүйесіндегі педагогикалық-психологиялық үдерістерді жетілдіруге, білім алушылардың даму ерекшеліктерін ғылыми тұрғыдан зерттеуге және заманауи әдістемелерді енгізуге бағытталған.

Халықаралық және академиялық ынтымақтастық

• Кафедра оқытушылары шетелдік және отандық жоғары оқу орындарымен ғылыми-білім беру байланыстарын дамытуға, халықаралық ғылыми іс-шараларға қатысуға және тәжірибе алмасуға белсенді атсалысады.
• Академиялық ұтқырлық аясында профессор-оқытушылар құрамының кәсіби біліктілігін арттыру, заманауи білім беру технологияларын меңгеру және озық халықаралық тәжірибені оқу үдерісіне енгізу жұмыстары жүргізіледі.
• Шетелдік және отандық ғалымдар мен сарапшыларды дәрістерге, ғылыми семинарларға, дөңгелек үстелдерге және ғылыми-практикалық конференцияларға тарту арқылы білім алушылардың академиялық және кәсіби көкжиегін кеңейтуге жағдай жасалады.

Кафедраның негізгі нәтижелері

Кафедраның басты жетістіктері – білім беру бағдарламаларының аккредиттеуден сәтті өтуі, профессор-оқытушылар құрамының кәсіби және ғылыми жетістіктері, білім алушылардың республикалық деңгейдегі олимпиадалардағы жүлделі орындары, гранттық ғылыми жобалардың жүзеге асырылуы және академиялық ұтқырлықтың дамуы. 

Кафедра алдағы уақытта да білім беру сапасын арттыруға, ғылыми-зерттеу жұмыстарын кеңейтуге, халықаралық ынтымақтастықты нығайтуға және бәсекеге қабілетті педагог-психолог мамандар даярлауға бағытталған жұмыстарды жалғастырады.