29 ҚАЗАН – ТҮРКИЯ РЕСПУБЛИКАСЫНЫҢ КҮНІ ҚҰТТЫ БОЛСЫН!

Білім беру және гуманитарлық зерттеулер факультеті барша оқытушыларды, қызметкерлерді және білім алушыларды 29 қазан – Түркия Республикасының күнімен шын жүректен құттықтайды!

Бұл – түрік халқының тарихындағы аса маңызды әрі тағылымды мерекелердің бірі. 1923 жылғы 29 қазанда Түркия Республикасы жарияланып, елдің жаңа даму дәуіріне жол ашылды. Бүгінде Түркия Республикасы – ғылым мен білімді, мәдениет пен инновацияны дамытуға ерекше мән беретін, халықаралық аренада өзіндік орны бар мемлекет.

Қазақстан мен Түркия арасындағы тарихи-мәдени және достық байланыстардың орны ерекше. Екі ел арасындағы білім беру, ғылым, мәдениет және халықаралық ынтымақтастық бағытындағы байланыстар жылдан жылға нығайып келеді. Қожа Ахмет Ясауи атындағы Халықаралық қазақ-түрік университеті де осы өзара достық пен ғылыми-академиялық ынтымақтастықтың жарқын көрінісі болып табылады.

Осы айтулы мерекеге орай, Білім беру және гуманитарлық зерттеулер факультетінің оқытушыларына, қызметкерлеріне және білім алушыларына зор денсаулық, отбасыларына амандық, еңбектеріне толағай табыс, білім мен ғылым жолында биік жетістіктер тілейміз!

Түркия Республикасына – бейбітшілік, тұрақтылық және өркендеу, ал Қазақстан мен Түркия арасындағы бауырластық әрі достық қарым-қатынастарға мәңгілік беріктік тілейміз!

29 қазан – Түркия Республикасының күні құтты болсын!

29 Ekim Cumhuriyet Bayramı kutlu olsun!

Қазақстан – Түркия достығы нығая берсін