Заң факультеті

Ахмет Ясауи Университеті

Заң факультетінің атауы мен құрылымы бірнеше рет өзгергеніне қарамастан, ол университет ашылған алғашқы күннен бастап жұмыс істеп келе жатқан негізгі факультеттердің бірі болып саналады. Факультет түлектері бүгінде Қазақстанда және алыс-жақын шет мемлекеттерде құқық саласының әртүрлі бағыттарында табысты қызмет атқаруда.

Бүгінгі таңда факультетте үш деңгей бойынша – бакалавр, магистратура және докторантурада – құқықтық білім беруді қамтитын 6 білім беру бағдарламасы жүзеге асырылады. Бакалавриатта 3, магистратурада 2, докторантурада 1 білім беру бағдарламасы бойынша жалпы 347 білім алушы білім алады.

Заңгер мамандарын даярлау факультет құрамындағы Қылмыстық құқық, Конституциялық құқық және азаматтық құқық кафедраларының білікті профессор-оқытушылары тарапынан жүргізіледі.

Білім алушылардың сапалы кәсіби дайындық алуына жағдай жасау мақсатында мамандандырылған аудиториялар, экономикалық тергеп-тексеру қызметі кабинеті, сот залы, криминалистикалық кабинет, цифрлық заң клиникасы, оқу залы, спорт кешені, компьютер кабинеттері және интерактивті оқытуға арналған дәрісханалар жұмыс істейді. Бұл инфрақұрылым студенттердің теориялық білімін тәжірибемен ұштастыруға, кәсіби дағдыларын дамытуға кең мүмкіндік береді.