Біз туралы

Қожа Ахмет Ясауи атындағы Халықаралық қазақ-түрік университетінің Жоғары оқу орнынан кейінгі медициналық білім беру факультеті денсаулық сақтау жүйесі үшін білікті медициналық мамандар мен басқарушы кадрларды даярлауды жүзеге асырады.

Факультетте интернатураның 5, резидентураның 47 білім беру бағдарламасы, сондай-ақ «Бизнес, басқару және құқық» бағыты бойынша магистратура мен докторантура деңгейлерінде 3 білім беру бағдарламасы іске асырылады. Факультетте 1 800-ден астам білім алушы білім алады. Түлектердің жұмысқа орналасу көрсеткіші 83%-дан асады.

Факультеттің негізгі мақсаты – білім беру мен практикалық денсаулық сақтаудың өзара байланысын нығайту, оқытудың заманауи әдістерін енгізу және кәсіби құзыреттілігі жоғары мамандар даярлау. Осы мақсатта оқу-әдістемелік және ғылыми-зерттеу жұмыстары жүргізіліп, білім беру бағдарламалары еңбек нарығы мен денсаулық сақтау жүйесінің қажеттіліктеріне сәйкес жетілдіріледі.

Білім алушылардың кәсіби даярлығын қамтамасыз ету үшін факультетте оқу үдерісіне қажетті білім беру ресурстары мен клиникалық базалар пайдаланылады. Шымкент қаласындағы медициналық ұйымдар базасында білім алушылардың практикалық дағдылары қалыптастырылып, кәсіби құзыреттері дамытылады.