Деканның хабарламасы

Құрметті білім алушылар!

Біз сіздерді екі бауырлас елдің бірлескен бастамасымен құрылған Қожа Ахмет Ясауи атындағы Халықаралық қазақ-түрік университетінің «Спорт»факультетіне шақырамыз. 

Қожа Ахмет Ясауи университетінің студенті атану – бұл үлкен мақтаныш қана емес, сонымен бірге спорт саласында кәсіби және тұлғалық дамудың маңызды кезеңі. Қожа Ахмет Ясауи атындағы университет түркі әлемінің көптеген мемлекеттерінің жастарын бір шаңырақ астында біріктіріп, спорт пен ғылым саласында жоғары білікті мамандарды даярлайды. Спорт факультеті студенттерге спорттық білім мен практиканы ұштастыратын заманауи бағдарламалар ұсынады. Мұнда сіз еліміздің ең мықты профессорлары мен доценттері, Қазақстан Республикасына еңбегі сіңген жаттықтырушылары және Қазақстан Республикасының спорт қайраткерлерінен білім алу арқылы кәсіби деңгейде дамып, халықаралық ареналарда өзіңіздің шеберлігіңізді шыңдауға мүмкіндік аласыз.

Біздің университетті таңдау арқылы сіз сапалы білім алып, спорттық мансабыңызды қалыптастырып, үлкен өмірге сенімді қадам басасыз. Болашақ спорт маманының біліктілік қабілеттерін дамыту біздің басты назарымызда. Жаңа әдістер мен тәсілдерді қабылдауға және енгізуге дайын маман ғана еңбек нарығында табысты болады. 

Біздің факультет студенттерге дене мәдениеті және бастапқы әскери дайындық саласы бойынша озық деңгейдегі білім беру бағдарламаларын ұсынады. Сонымен қатар студенттеріміз Erasmus / Erasmus+, Mevlana сияқты халықаралық білім алмасу бағдарламаларына қатысу арқылы шетелдегі алдыңғы қатарлы университеттерде оқуға немесе тағылымдамадан өтуге мүмкіндік алады. Университетімізде білім алған түлектеріміз бүгінде әлемнің және еліміздің түкпір-түкпірінде өз білімдерін жетілдіруде.

Декан ретінде мен біздің студенттер мен түлектер спорттағы жетістіктерімен ерекшеленетін үлгілі тұлғалар екенін мақтанышпен айта аламын. Біздің білімгерлеріміз әлемдік, азиялық және халықаралық жарыстардың жеңімпаздары. Біз тәрбиелеген студенттеріміз бен түлектеріміздің жеткен жетістіктерін әрқашан мақтан тұтамыз және олардың табысқа жетуіне барлық жағдайды жасаймыз. 

ҚР Құрметті спорт қайраткері, Профессор Сейдахметов Ермек