Ғылым саласы

Институттың алдына қойған негізгі мақсаттарының бірі – экологиялық тұрғыдан таза табиғи ауылшаруашылық өнімдерін алып, «жасыл экотехнологияларды» өндірістерге енгізу. 

Сонымен қатар Қожа Ахмет Ясауи кесенесін қайта жаңғырту, зерттеу, туристік орталыққа айналдыру мақсатында ауқымды жұмыстар жүргізілуде. Табиғи-климаттық, факторлардың әсерінен кесененің кейбір бөліктерінде  құрылыс материалдарының  беткі қабаттарында  ерімейтін тұз шөгінділері  пайда болған. Осы тұз шөгінділерін жою және олардың пайда болу жолдарын тежеу мақсатында «Экология» ғылыми-зерттеу институтының қызметкерлері жан-жақты зерттеулер жүргізуде.  Кесененің ішкі бөлмелеріндегі және ескерткіштің  сыртқы қабырғалары мен фундаментінің бетінде  тұздардың пайда болу механизмдері, олардың құрамдары зерттеліп, шөгінділердің түзілуіне  әкелетін жағдайлар анықталуда.  Осы нәтижелерге сүйене отырып, тұз шөгінділерінен құтылу және олардың түзілуіне әкелетін жағдайларды болдырмауға мүмкіндік беретін,  адсорбциялық ионалмасу және электрохимиялық үрдістеріне негізделген тұздардан тазалаудың жаңа әдістері жасалуда.

Институт келісім-шарт негізінде әртүрлі өндіріс салаларына қатысты ғылыми жұмыстар мен экологиялық нормативтер жобаларын жасауды іске асыруда. Атап айтқанда:

• Қазақстанның әртүрлі аймақтарына, соның ішінде Сауран, Отырар аудандарын қоса, өндірістердің қоршаған ортаға тигізетін әсерін бағалау және нормативтік құжаттардың жобаларын жасау («Түркістан-жылу» МКК, Түркістан, Отырар қалалары мен ауыл аймақтарының қатты қалдықтарын сақтауға арналған сақтағыштар (полигон),  ЖШС «СКЗ-U» және т.с.с. мекемесінің қатты қалдықтарын кәдеге жарату, құрылыс материалдарын алуда, Қазақстан Республикасында химиялық өнімдерге экологиялық сараптама «Экология» ҒЗИ ғана жасауда. Сонымен қатар университеттің жаңадан салынатын ғимараттары мен ластаушы көздеріне экологиялық нормативтік құжаттар дайындалынып отырады;
• Түркістан, Кентау қалаларына және Сауран және Түркістан облысының басқада  аудандарына қатысты экологиялық төлқұжаттар жасауға мәліметтер жинақталуда;  
• Шымкент, Түркістан қалаларының экологиялық карталарының жобасына қатысты жұмыстар орындалуда;
• Қоршаған орта нысандарына (су, топырақ, ауа, өсімдіктер) және өндіріс шығарындылары мен ақаба суларына химиялық, микробиологиялық, радиациялық бақылау жүргізілуде.

Қожа Ахмет Ясауи атындағы Халықаралық қазақ-түрік университеті, «Экология» ғылыми зерттеу институтында,  университетіміздің «Химия» және «Экология» мамандығы бойынша білім алып жатқан студенттер мен магистранттар өз қызығушылықтары бойынша ғылыми жобалары мен магистрлік  диссертация  жұмыстарын жасайды. Сонымен қатар PhD докторанттар мен постдокторанттар ғылыми бағыттары бойынша ғылыммен айналысады. Институттың негізгі  ғылыми бағыттары : ауылшаруашылығында экологиялық таза өнім алу (вермиөнімдер, инсектицидтік препараттар, тыңайтқыш-мелиоранттар, азықтық қоспалар   т.б) бағыттары, «Экологиялық бақылау және химиялық талдау» аккредиттелген зертхана (топырақ, су, ауа және микробиологиялық анализдер). Осы  бағыттар бойынша білім алушылар ғылыми жұмыстарын атқарып жатыр.