ҒЗИ тарихы

1992 жылы Қожа Ахмет Ясауи атындағы Халықаралық қазақ-түрік университеті жанынан профессор М.Мырзахметұлының бастамасымен «Ясауитану» ғылыми-зерттеу лабораториясы ашылған болатын. Аталған лаборатория 1993 жылы ғылыми-зерттеу орталығы, кейін 1995 жылдан Қазақстан халықтарының тарихы мен этнофилология ғылыми-зерттеу институты болып қайта құрылды.

1997-99 жылдары штат санының қысқаруына байланысты коммерциялық негізде «Қазақстан тарихы» бөлімі болып, оны философия ғылымдарының докторы, профессор А.Әбуов басқарды. Ал 2000 жылы Қожа Ахмет Ясауи атындағы Халықаралық қазақ-түрік университеті Сенатының №4. 23. 06 2000 ж. шешімі және № 1/661. 18.12.2000 ж. Түркология ғылыми-зерттеу институты туралы бұйрығы бойынша «Қазақстан тарихы» бөлімі және «Археология» бөлімі негізінде «Түркология ғылыми-зерттеу институты» ашылды.

Институтты 2001-2003 жж. филология ғылымдарының докторы, профессор М.Мырзахметұлы; 2003-2007 жж. филология ғылымдарының докторы, профессор Ш.Ибраев; 2007-2008 жж. тарих ғылымдарының докторы, профессор С.Мадуан; 2008-2012 жж. философия ғылымдарының докторы, профессор Д.Кенжетай; 2013-2016 жж. филология ғылымдарының докторы, профессор Қ.С.Ергөбек; 2016 жылы сәуір-қыркүйек профессор, доктор М.Куталмыш директор міндетін атқарды; 2016 жылы қазан-желтоқсан доктор О.Кылычарслан; 2016 жылы желтоқсан – 2017 маусым филология ғылымдарының кандидаты С.Дағыстан; 2017 жылы маусым – 2018 жылы маусым профессор, доктор М.Куталмыш директор міндетін атқарды; 2018 жылы 1 маусымнан PhD Өмер Кучукмехметоғлы; 2018 жылдың қараша айынан филология ғылымдарының кандидаты С.Дағыстан; 2020 жылы 1 ақпан-шілде аралығында профессор Бекер Шишман; 2020 жылы 25 тамыздан профессор, доктор Булент Байрам басқарады.