«ЯСАУИ КЕРУЕНІ» ОТЫРАР АУДАНЫНДА
«ЯСАУИ КЕРУЕНІ» ОТЫРАР АУДАНЫНДА
Түркістаннан бастау алған «Ясауи керуені» аймақтық ғылыми-танымдық семинары Отырар ауданында жалғасты. Іс-шараны «Әзірет Сұлтан» Ұлттық тарихи-мәдени музей-қорығының директоры Ерлан Дәкенов жүргізіп, семинардың маңыздылығына тоқталды.
Қожа Ахмет Ясауидің рухани мұрасын кеңінен насихаттау, оның ілімінің ұлттық құндылықтармен сабақтастығын зерделеу мақсатында өтіп жатқан жиынға Қожа Ахмет Ясауи атындағы ХҚТУ профессорлары мен оқытушылары, теология және дінтану саласының ғалымдары, сондай-ақ зиялы қауым өкілдері мен аудан тұрғындары қатысты. Семинар аясында Ясауи мұрасының қазіргі қоғамдағы рухани-адамгершілік құндылықтарды нығайтудағы маңызы талқыланып, ғылыми-танымдық бағыттағы пікір алмасу жүргізілді.
