Іс-шаралар

Заң факультетінің оқытушы-профессорлары мен білім алушылары үшін “Қазақстанның конституциялық эволюциясы: көшпелі басқарудан заманауи басқаруға дейін” тақырыбында ғылыми семинар (онлайн) ұйымдастырылды. 
Спикер: Хасенов Муслим Ханатұлы
Magsut Narigbayev university  қауымдастырылған профессоры, Қазақстан Республикасы Конституциялық соты жанындағы Ғылыми кеңестің мүшесі, Гарвард университетінің профессоры.

Ғылыми семинар барысында Қазақстанның мемлекеттік-құқықтық дамуының тарихи кезеңдері, конституциялық құрылымның қалыптасу динамикасы және заманауи басқару моделінің ерекшеліктері жан-жақты талқыланды. Семинар нәтижелері төмендегідей қорытындыланды:
1. Көшпелі басқару жүйесінің құқықтық негіздері ашылды
    •    Дәстүрлі қазақ қоғамындағы билік тармақтары – хан, би, батыр институттарының атқарған ролі сараланды.
    •    «Жеті Жарғы» секілді құқықтық нормалар жиынтығы алғашқы конституциялық элементтер болғаны атап өтілді.
2. Патшалық және Кеңестік кезеңдегі конституциялық өзгерістер қарастырылды
    •    Ресей империясының отарлық басқару жүйесі қазақ даласындағы билік құрылымын қалай өзгерткені көрсетілді.
3. Тәуелсіз Қазақстан Конституцияларының эволюциясы зерттелді
    •    1993 жылғы Конституцияның өтпелі кезеңдегі орны, парламенттік-президенттік модельдің ерекшеліктері түсіндірілді.
    •    1995 жылғы Конституцияның қабылдануы – заманауи президенттік басқару жүйесінің басталуы ретінде бағаланды.
    •    2017, 2022 жылдардағы конституциялық реформаның маңызы туралы айтылды.
4. Заманауи басқаруға көшу үрдістері талқыланды.