Жаңалықтар

 ЭКОЛОГИЯЛЫҚ МӘДЕНИЕТ – ТАЗА БОЛАШАҚТЫҢ НЕГІЗІ
26 қыркүйек күні Заң факультетінің білім алушыларының қатысуымен «Таза Қазақстан» жалпыұлттық экологиялық бастамасы аясында «Экологиялық мәдениет пен қоршаған ортаға жауапкершілікті қалыптастыру» атты іс-шара өткізілді.
Іс-шараның негізгі мақсаты – білім алушылардың экологиялық сауаттылығын арттыру, оларды табиғатқа жанашырлықпен қарауға тәрбиелеу және қоршаған ортаны қорғаудағы жеке жауапкершілігін қалыптастыру.
Іс-шара барысында қоршаған ортаның тазалығын сақтау, табиғи ресурстарды тиімді пайдалану, тұрмыстық қалдықтарды сұрыптау және күнделікті өмірде экологиялық мәдениетті орнықтыру мәселелері талқыланды. Қатысушылар табиғатты қорғауға қатысты ой-пікірлерімен бөлісіп, қоршаған ортаны сақтауға бағытталған пайдалы әрекеттерді бірлесіп жүзеге асырудың маңыздылығына тоқталды.
Аталған іс-шара білім алушылардың экологиялық санасын арттырып, туған жердің тазалығы мен табиғатын сақтауға деген жауапкершілігін нығайтуға ықпал етті.
Таза табиғат – жарқын болашақтың кепілі!