Іс-шаралар

«Рухани құндылық – адал азамат негізі» тақырыбындағы  ашық тәрбие сағаты студент жастардың рухани-адамгершілік құндылықтарды терең түсінуіне және оларды күнделікті өмірде тиімді қолдануына бағытталды. Ашық тәрбие сағаты барысында «адал азамат» ұғымының мәні жан-жақты түсіндірілді. Адал азамат болу тек заң талаптарын сақтау ғана емес, сонымен қатар адамның ішкі ар-ұятының тазалығы, шынайылығы, әділдігі және өз ісіне жауапкершілікпен қарауы сияқты қасиеттермен тығыз байланысты екені атап өтілді.
Сонымен қатар, жастарға адалдық пен парасаттылықтың қоғамдағы маңызы түсіндіріліп, әрбір адамның жеке тұлға ретінде қалыптасуында рухани құндылықтардың алатын орны ерекше екендігі айтылды. Ашық тәрбие сағаты адал еңбек етуге, әділ болуға және қоғамға пайдалы азамат болуға бағытталды.