Жаңалықтар

Теология факультеті студенттерінің республикалық олимпиададағы жарқын жетістігі

2026 жылдың 25 сәуірінде Академик Е.А. Бөкетов атындағы Қарағанды ұлттық зерттеу университеті базасында 6В02201 – «Философия» білім беру бағдарламасы бойынша ХVIII Республикалық пәндік олимпиада өткізілді.

Аталған білім сайысына Қожа Ахмет Ясауи атындағы Халықаралық қазақ-түрік университеті Теология факультеті, Философия кафедрасының аға оқытушысы Тулеев Мақсаттың ғылыми жетекшілігімен құрылған «ТҰРАН» командасы қатысып, жоғары деңгейде өнер көрсетіп, жүлделі II орынды иеленді.

Команда құрамында 6В02286 – «Философия–Дінтану» білім беру бағдарламасының 3-курс студенттері Әбілқасым Ардақ Әділбекұлы, Жалымбетқызы Самия және 2-курс студенті Дайрабай Мөлдір Бауржанқызы болды.

Бұл жетістік – Теология факультетінде жүргізіліп жатқан сапалы білім беру мен ғылыми даярлықтың нәтижесі, сондай-ақ білім алушылардың философиялық-теологиялық ойлау мәдениеті мен зияткерлік әлеуетінің жоғары деңгейін айқындайды.