Тарих және жалпы ақпарат

Қожа Ахмет Ясауи атындағы Халықаралық қазақ-түрік университеті, Медицина факультетінің «Хирургиялық аурулар» кафедрасы Түркістан облысы Кентау қаласындағы «Кентау қалалық орталық аурухана» базасында алғаш рет 1993 жылы ашылған болатын. Кафедраның алғашқы меңгерушісі м.ғ.д., профессор М.М. Ахметов 1993 жылы тағайындалып, 1995 жылға дейін басқарды.

1995-1997 жылдар аралығында кафедра меңгерушісі м.ғ.к., ХҚТУ профессоры К. Каримбаев.

1997-2003 жылдар аралығында кафедра меңгерушісі м.ғ.д., профессор А.Б. Болғаев.

2004 жылы университет №1 сенат шешімі бойынша «Хирургиялық аурулар» кафедрасы екіге бөлініп, кафедраның аты «Факультеттік хирургия» болып аталды.

2003-2006 жылдары кафедра меңгерушісі м.ғ.к., ХҚТУ профессоры К. Каримбаев.

2006-2008 жылдары кафедра меңгерушісі м.ғ.к., қауымдастырылған профессор (доцент) М.И. Омаралиев.

2008-2015 жылдар аралығында кафедра меңгерушілік қызметті м.ғ.д., профессор Ш.М. Сейдинов басқарды.

2015-2017 жылдар аралығында кафедра меңгерушісі м.ғ.к., аға-оқытушы М.Е. Сейсенбаева.

2017-2019 жылдары кафедра меңгерушісі м.ғ.к., қауымдастырылған профессор (доцент) М.С. Жунусов.

2019-2020 жылдары кафедра меңгерушісі м.ғ.к., аға-оқытушы И.Ж. Турметов.

2020 жылдан бастап «Хирургиялық аурулар» кафедрасының меңгерушісі болып м.ғ.к., қауымдастырылған профессор (доцент) Жунусов Мурат Сагиналиевич тағайындалып, өз қызметін толық атқаруда.

Кафедра құралған кезден бастап осы таңға дейін: 7 кандидаттық диссертация, 2 докторлық диссертация, 6 магистрлік диссертациялар қорғалған болатын.
Сонымен бірге кафедраның Профессор-Оқытушы құрамы жоспарға сәйкес және жоспардан тыс өз біліктіліктерін шет елдерінде және Республикалық мекемелерде арттыруда. Соған қоса қызметтік жұмыстарының нәтижесінде Халықаралық, Республикалық, Облыстық және университеттік деңгейде төс белгілерімен, алғыс хаттармен марапаттарға ие.