Білім беру мақсаттары және жетістіктер

6В10155 – «Жалпы медицина» және 6В10188 «Жалпы медицина»  білім беру бағдарламасында кафедраның білім беру  мақсаты – денсаулық сақтау саласындағы білімді, тәжірибені және денсаулық сақтау аймағындағы  жаңалықтарды меңгере отырып,  жалпы тұрғындарға, жеке адамдарға алғашқы және  кейбір жанұяларға жоғары мамандандырылған үздіксіз  медициналық көмекті  көрсете білетін, бәсекеге қабілетті мамандар даярлауда клиникалық дағдылар негіздері пәнінен, ішкі аурулар пәнінен теориялық білім мен тәжірибелік дағдыларды меңгерту.
Қазіргі таңда практикалық тәжірибелері мол, ғылым және денсаулық сақтау саласында жұмыс істеп жүрген қызметкерлер оқу, тәрбие, ғылыми және емдеу жұмыстарын атқарып келеді. Кафедрада болашақ дәрігерлердің қолшеберлігін жетілдірумен қатар, науқастарды физикальды зерттеуге, ішкі аурулар және балалар ауруларының  диагнозын анықтауда этиопатогенездік ерекшеліктерін және диагнозды ажырата білуде ой-өрістерін дамытып, қалыптастыру мақсатында теориялық және тәжірибелік дәрістерде инновациялық жаңаша оқыту және бағалау әдістері қолданылады.