Жаңалықтар

Заң факультетінде «Жаңа Конституция – Жаңа Қазақстан» тақырыбында студенттердің қатысуымен TEDx форматындағы кездесу өтті.

Кездесудің негізгі мақсаты – білім алушылардың құқықтық сауаттылығын арттыру, жаңа Конституцияның негізгі қағидаттарын түсіндіру және жастардың азаматтық көзқарасын қалыптастыру.

Іс-шара барысында студенттер Конституцияның қоғам мен мемлекет дамуындағы маңызы, адам құқықтары мен бостандықтарының қорғалуы, заң үстемдігі, әділеттілік және азаматтық жауапкершілік мәселелері жөнінде өз ойларын ортаға салды. Қатысушылар тың идеяларымен бөлісіп, еліміздің болашағына қатысты көзқарастарын білдірді.

TEDx форматында ұйымдастырылған кездесу еркін пікір алмасуға, жастардың шешендік қабілеттерін дамытуға және құқықтық тақырыптарды жан-жақты талқылауға мүмкіндік берді. Білім алушылар тарапынан қойылған сұрақтарға жауап беріліп, мазмұнды пікірталас ұйымдастырылды.

Кездесу соңында жаңа Қазақстанды қалыптастыруда білімді, белсенді, заңды құрметтейтін және жауапкершілігі жоғары жастардың рөлі ерекше екені атап өтілді.

Іс-шара қатысушыларға тың ой мен жаңа серпін сыйлап, жоғары деңгейде өтті.