Іс-шаралар

2025 жылдың 30 қазанында Экономика және басқару факультеті, Халықаралық қатынастар кафедрасының ұйымдастыруымен Біріккен Ұлттар Ұйымының 80 жылдығына арналған дипломатиялық кездесулер сериясы аясында «Адамзатқа қызмет ету: Бір кәсіби маманның Біріккен Ұлттар Ұйымындағы жолы» — Аниндя Датта (ILO) атты кездесу өтті.

Іс-шара барысында Халықаралық еңбек ұйымы (ILO) Түркия кеңсесінің Миграция және босқындар мәселелері жөніндегі техникалық маманы Аниндя Датта БҰҰ жүйесіндегі қызмет жолы, гуманитарлық бағыттағы жобалар және халықаралық ұйымдардағы мансаптық мүмкіндіктер туралы тәжірибесімен бөлісті.

Кездесуге университеттің профессор-оқытушылар құрамы мен білім алушылары қатысып, жаһандық ұйымдардағы жұмыс ерекшелігі мен кәсіби даму жолдары бойынша маңызды ақпарат алды.