Менеджмент және туризм кафедрасы

Экономика және басқару факультеті 20.10.2026 17:47 Университет кітапханасы.

«ТҰҒЫРЛЫ ЕЛ – ТАҒЫЛЫМДЫ ТАРИХ» ТАҚЫРЫБЫНДА САЙЫС ӨТТІ

Экономика және басқару факультеті мен Теология факультетінің білім алушылары арасында «Тұғырлы ел – тағылымды тарих» тақырыбында танымдық сайыс өтті.

Сайыстың мақсаты – білім алушылардың Қазақстан тарихы туралы білімдерін тереңдету, ұлттық құндылықтарды дәріптеу, отансүйгіштік сезімдерін қалыптастыру және өзара ынтымақтастықты нығайту.

Сайыс барысында қатысушылар тарихи тақырыптағы сұрақтарға жауап беріп, білімдері мен тапқырлықтарын, логикалық ойлау және топпен жұмыс істеу қабілеттерін көрсетті. Тартысты өткен додада белсенділік танытқан қатысушылар алғыс хаттармен марапатталды.

Іс-шара білім алушылардың тарихи танымын кеңейтіп, ел тарихына деген қызығушылығын арттыруға мүмкіндік берді.